Soat Min Khashab​-​صوت من خشب

by El Far3i - الفرعي

supported by
/
  • Includes unlimited streaming via the free Bandcamp app, plus high-quality download in MP3, FLAC and more.

     $5 USD  or more

     

1.
2.
3.
4.
5.
6.
04:12
7.
8.

about

ألبوم أغاني راب عربي خشبي على جيتار تأليف و أداء الفرعي This album consists of songs and rap over an acoustic guitar composed and performed by El Far3i

credits

released 17 February 2012

Album: Soat Min Khashab
Recorded at: Sweetspot Soundworks
Art Work: Nidal El Khairy
Record Label: Immortal Entertainment
For more info about El Far3i:
www.facebook.com/A5ook.El.Far3i
soundcloud.com/el-far3i
www.youtube.com/user/far3i

tags

license

all rights reserved

feeds

feeds for this album, this artist

about

El Far3i - الفرعي Amman, Jordan

Palestinian Drummer, Rapper , Songwriter based in Amman Jordan..East of the River Music

"..if you cut off the electricity, I will speak my lyrics..and if they stop manufacturing guitars I will play a beat on a table and rap my lyrics"

عازف إيقاع , رابر ,كاتب و مؤلّف فلسطيني من عمّان الأردن

راب شرق النّهر

فرع المداخل من الشّتات إلى الدّاخل
... more

contact / help

Contact El Far3i - الفرعي

Download help

Redeem download codes

Track Name: Madineh Haditheh-مدينة حديثة
مدينة حديثة
باسم الجيل الصاعد بدي أكتب تصريح
نفوت على المكتبات العامة و نعل توضيح
تحديدا رف جديد وراء قسم التاريخ
عن رغبات السفن و اتجاه الريح
لأنه بصراحة بطرحك هاد عشان أكون صريح
عم تنسب المستعمر للسيد المسيح
لأ! هذه مش طبيعة الأراضي هاي
مش باسم العنصرية يوقع الدين جريح
فخدني عربي راب خد نهج ابن الخطاب
كان تعدد الأديان ما يسبب اضطراب
وين العلما؟ء وين أولو الألباب؟
عم الرسول كان كافر فكونا من الأنساب
فكونا من العوائل فكونا من الألقاب
صفوا النية بالمنهاج خلينا نفهم الأسباب
الي خلت العباسي ما يفهم الأموي
و بين الفاطمي و العثماني نفتح علينا باب
علمانية عالمية و شوية فوائد
بس أنا شايف الشرك العربي هو الي أصبح سائد
هلمرة قدام أهدافي بدي أصفن بالتاريخ
واسدد بالحلقة الجاي كأني الكابتن ماجد
ادخل بالجول معاي عشان ايخف التباعد
نقرب الطبقات شوف كيف منقدر نساعد
لما يخلص الرف الجديد في المكتبة الوطنية
انشاءالله زي الأستاذ غنام الى حيفا عائد..
فرجّعولي لغتي خلوني أفيع
هلمرة أفيع فيها مش عنها أضيع
كل يوم الصبح أسقيها و باليل مواضيع
ناسي أدرى فيها بس بصالون وسيع
سريع انقراض الناس العائلة
احنا مندفع ضريب قاعدين على منتجات هاملة
روح اسأل أمريكا بالأربعينات شو عاملة عم تدعم المتجددين و السلفية الفاشلة!
(هاي البلاد فيها جبال كثير..بأي مغارة مخبيها..حبيبة قلبي مدينة حديثة...الضبع وين مودّيها)
نوع فكر مشي علينا بس خلصت صلاحيته
خلصت بطاقة الشحن خلصت بطّاريته
تقريبا كل يوم عم بنزل تليفون جديد
بس الموضة تشتري المنتج على هوا فعاليته
الي معوش بلزموش و الي معاه حسب نيته
الشارع صار مدووش عشان يثبت إلاهيته
حضرة جناب الشب الي بده يبرز كباريته
و يريته مدرك الحكي هاد كله ايشس ماهيته
كلشي بالنهاية نعمة هذه حالة نقص
بس ايروح المكياج ببين اليأس
بنظام بنوك بعبر عن حالة من البؤس
لو ايشوفونا اجدادنا يصاب كيفهم بالبعص
بعص بعصب بينحر بينغص
لأنه بعض بيتغرب بيتدرب بيرجعش
بلدان يتحامى الشيخ فيها بالقص
بالراب منتسلى يابا بس أنا بمزحش
فهات موال ايخاطب مشاعر الناس
و بتقدر تهدي أغنيتي هاي للحرس الخاص
بضرب أنا تحية لمل ايكون في تنوع
تخيل تفوت على خضرجي بس ببيع انجاص..
تخيل نهبد الله مش نعبد أشخاص
و بالتطور العلمي نطلع راس براس
مع دول متقدمة أنا سامع صوت جراس
سامع صوت أذان بس برضو سامع التباس..
يا طخه يا اكير مخه ولا كلمة أو عم تردحي؟!
هو انتي يا خمار يا بالمرة بتشلحي
بحب أترّك لحية بس مش معناته ملتحي
لا تفكرني خايف لا تفكرني مستحي
هذا مش كلام رسول أنا بس بعبر عن نفسي
متعددة الطقوس و أنا معتدل طقسي
بكون مبسوط اذا فاتت كل كلماتي على راسك
بس اعرف انك ما فهمتها إذا أخدتها شخصي!
Track Name: Tadafoq Al Mukhattat-تدفّق المخطّط
تدفق المخطط
في مخطط قول معاي..في مخطط مخبّط على البواب قول وراي..
في مخطّط للسيطرة على كافة المنطقة و أنا مش فاهم منطقك طب انطق كلمة وراي,
في مخطط مات بس كتبه بكل اللهجات جابت لربعي البلى و للغرب علاجات..
بتقدر تعتبرها ثقافة عامة وأو تنزلها مادة بحسبلك عليها ساعات..
بحس الرجل العربي محكوم عليه ايضل ساكن غير متحرك
داكن كئيب غير مؤثر متروك بقفص غير مدرك مدى الحرية رغم انه موحد غير مشرك متروك على أرض المعركة يحارب و بتفرق بين الي بكلمتين قدروا يشتروا عندك النوع الي انباع اشترى انباع ردوا باعوا و عندك النوع الي بيتنى الوحش يترك..انت بوحدة قياسك و أنا بالمترك انا العالم القديم انت الخارطة الجديدة ما عليها بيتي فنبرتي مفيدة لكن عبرتي طريدة و نخوة اخوتي فقيدة..انت الة التحريف و أصابع الإتهام أنا الفدس الشريف..أنا ابن الشام ..انت العالم الجديد أنا مهد الأديان انت بلد العبيد أنا ستايل عمان!
فخلي فرعك صاحي لأنه الطريق بدة حكمة في ضو على البيسست مس الإم سي بالعتمة في صوت للكك و أسلوب لللكمة في أسلوب للعب و أسلوب لجيب اللقمة في أسلوب للعد و الشكر على النعمة في أسلوب للرد و على المايك الزكمة..
الراب موجود عشان أواجهك بصراحتي ما إلو بحداقتك ولا إله بحداقتي..أنا بتعامل مع الأوف بيت كأنه واحد صاحبي فانت الك وزنك و أنا الي مساحتي البردقانه هاي لإلك هاي بتكون تفاحتي المشهد كله معك بس هذا أثير إذاعتي..إنت رئيس بلدية أنا الأرض كلها تاعتي و بعرف مين سرقها بس مين معاه قداحتي..أظن نسيتها بالكواليس مع المكنسة القش الي عشان اليلة أشطف الساحة الفنية براحتي..
فرع المداخل 37 حرارة كل جسم و الأمور العربية بدها كلها تنحسم في خبر بساعد على الجرح انه يلتئم بس عبر الأقمار الصناعية العربي بس بيلتخم البسمة رح ترتسم أنا متأكد بس في أشياي لازم نفهمها قبل ما كثير نبعد احنا مش ضد الثقافات ولا ضد التعدد بس في عبارات على الشاشات عم بسمها بتتردد..في ناس عم تتوعد مش بس بتهدد و الخبر الي بعده منمجد حتى المذيع حينفصم!..العربي كيف ينسجم كمان صرماي تلطش راس الحية و المسؤول ينشتم على مسمع مل الأمة و على شوف الجميع و لما تولع المظاهرة يستقيل المذيع احنا دم على الربيع شتا مصاري على الي ببيع و حق العودة هيه بالسيارة مع الشباب قاعد بينطرم..بكب توقيع مننفلم بكل قرار مننهدم قرار الهدم بينزل العربي دايما متهم..أعلن على الإذاعلت الي يتغطي كل المناطق انه شرف للمشانق رقبة عربي لما بينعدم..بي قد ما مننظلم..عشان هيك داخلي مشتعل بفضل أكتب التدفق على وزن كلنة منفعل الواقع لما بينقبل مش معناتو ننهبل و السيد بانكي مون كلامه مله مبتذل بجوز كان يرضينا أيام التسعينات عذا زمن سفن المساعدة و شباب القاعدة على التشات المتضامن الأجنبي في بيوت المقاومة يبات و فلسطيني الشتات لما بصحا من السبات راح مفعول المخدر الفرعي يقدر زوال الإحتلال قبل مجيء الأعور شفنا الدجال عشنا و شوفنا يا خال ما ضلش مكان الإنسانية عليه تدهور فعربي مش تتهور بتستنكر و بتدين..صبرا ال ياسر صلب ما بلين ما بخاف من العساكر متعود من سنين و حامل على حاله الحرية زي كرسي الشيخ ياسين الفرعي فكرك بنتظر حرارة عالية بنصهر ما كله بيومه بينشغل و في المنسيين تناحة اني أفتخر غضبي جوا ينفجر زيت زيتون و بينعصر ليوم الدين سياسة دين بتخطلت الإعلام بقول غير مرتبط على حاله بس ما بيشترط أفلامك هاي على مين العربي مرة بينخدع مرتين بالجورة بينبلع تلاتة شعبه بينصرع...صرنا مجانين!
Track Name: Dallik Malak-ضلك ملاك
ضلك ملاك
يا بنت بلادي يا حلوة لما بتبسمي من خجلك
بسمع عيونك تغني غنوة الك مني
قلبي قلي راعيني خافت روحي تنسيني و لما الكون يناديني و ربك يهديني...لما بتبتسمي..
لأنك بشعرك المفرود بتخلي الكل ايشوف ورود كأنك زي بطل موعود الأرض بيوم تعود..
بس خلوا ديني مش محبوب و خلوا يومي كله غروب و ربك أدرى في االقلوب..و انتي على عيني..لما بتبتسمي..
(بحياتك لا تنسي الجيرة و العشرة.ولا تنسي ضواو المدينة والصحراء)..
يا بنت بلادي يا حلوة لما بتبسمي من خجلك
بسمع عيونك تغني غنوة الك مني
قلبي قلي راعيني خافت روحي تنسيني و لما الكون يناديني و ربك يهديني...لما بتبتسمي..
لأنك بشعرك المفرود بتخلي الكل ايشوف ورود, كأنك بشعرك المضبوب بتخلي الكل ايشوف دروب
بس حتى العربي صار مش مفهوم خلة الهجة فوق تعوم و خلو دمي كله سموم..و انتي على عيني..
• لا تخلي الكلام ايجيبك و ايودّيكي و تنسي الإحساس..ضلك ملاك ضلك ملاك..
وايصير الإحساس مصيره زي أنا و شريكي مجرد احساس..انت ملاك ضلك ملاك..
..
Track Name: El Horiyyah-الحرّية
الحرية
(الحرية غلها لون يناسبني و ايناسب ناسي و صار لازم نلبس من هالثوب...الحرية إلها لون إيناسبني و يناسب ناسي و صار لازم ننزع من هالثوب....صار لازم نتسلق...نقله إيروح فينا لبعيد إيوصلنا للشط..و الشط لسا مستني ..معانا إيغنّي)
أشياء كثير بتنكره بس احنا منكره بعض منتطلع من فوق لتحت و مننتقد عن بعد أقنعنا حالنا إنا أسوأ أنواع البشر كل واحد فينا مفكر غيره بس زيادة عدد هذا كله بصدد إنا ماكلين اسفين كل ما أتعرف على أجنبي بفلي العرب مش متفقين بحط عيني بالطين بعدين على حالي بنكمش بعدين بتلاقيني مندمج بقديش أان منحرج نفسي صار أتخلص من هذا الشعور السيء حهاتوا ثوب فضفاض و خذوا الجينز الديق في ناس بتعاني من إشي اسمه دوار البحر أحنا من كثر البعد عنه نشعر بالتقيؤ..بالزبط زي شادي علي حرام..بالزبط زي عامر أحط راسي و أنام..و مش ضروري تكون عارف عن مين قاعد بحكي المهم انه مش لحالي شايف الوضع مش تمام..أعطي العربي فيزا و بتلاقي هرب و قبل ما يسافر بينصجوا يتجنب العرب..السائح ببالغوا بالترحيب فيه بالمطعم بياكل و بيشبع و انت لسا بتستنى بالطلب..هذا يثير الغضب و يسبب الإحباط والله الشب وردة زي مدينة الأنباط لازم نرجع نتوحد رغم غختلاف المنابت و بالمناسبة هذا طبيعي لأنها أرض رباط..

خايف تخلص الأغنية قبل و أوصل نقطتي و أكتشف انك طول الوقت سرحان بلون حطتي بشلحها و برميها و بدعس عليها و إذا الأرض اهتزت بخليك تلحق خطوتي على الحساب الوطن العربي كله ديرتنا حتى لو جغرافيا منختلف بطبيعتنا و هذا مش فكر قومي من النوع القديم الي بيقلب فاشي مع مر السنين بعدين بصير إقليمي بكون وقع بالفخ كنت رح أسميها التأشيرة زي هشام الجخ مش الحلم العربي بلحنها التجاري ياما حاولت أعزفها بس ما بيرضاش جيتاري مش وحيد بأفكاري عشان تسميني ساذج من المغرب للخليج و في مني نماذج في مني بالخارج بس للأسف مبعدين حكموا القرأن على الظلم سموهم الخوارج و مش مستني منك كمان فرصة عشان أشرحلك طالما الشاشة الصغيرة كل يوم بتشلحلك الحرية بتلبقلك بس افهم ايش هية غالبا رح نموت قبل ما تنحل القضية بس مش معناتو أحلامك بالزبالة ترميها اعتبرها ملكة جمال و ضل تغزل فيها أو خلص انتحر اذا الخياة ما فيش منها أمل بس خد معاك جندي واقف على أراضيها!
Track Name: Sahib El Ra'i-صاحب الراعي
صاحب الرّاعي:
قلي يا ولدي ايش اللون الي تغني..ما هو الون الشمالي ..غن كانت غنوة للي بروحك بتفديه سمّعنا صوتك العالي..العالي..

قلت أنا هون شايفلك مش كل حدى رايقلك بس صدّقني لابقلك و أنا من هون..
قلت أنا هون شايف انت الوحيد الي مش خايف مع الفرسان بتسايف عيني عليك عيني...

فلت أنا هون حاسس الجماعة راسهم يابس و بيعتمد شو لابس و أنا من هون..
أنا هون اتطمذن الرأي العام متسمم مش حاب أتسرع و أعمم على شان الوم..
انا لا شيخ ولا عالم أنا بس حاس في سوء تفاهم..و تافهين مننجر وراهم..بس بلش اليوم!
Track Name: Tab-تاب
تاب..
ما خاب أنا ظني ..رح أفيق من المنام..مدقق على الموضوع عشان..عشان..على شان ما خاب انا ظنّي..
استنيت عند كثير ناس ..ليالي أحاكيها..و اتعرف على ماضيها..
بس انت من وين أطل عليك..صار بدي نشرة أخبار ..تطمنّي عليك..تطمنّي عليك..تطمنّي..
و ما عاد ينفعني..تغنيت بكثير أمجاد أنا بالذل شاريها..رح أحكيها لكمان ناس..
بس انت من وين أطل عليك..صار بدي نشرة أخبار ..تطمنّي عليك..تطمنّي عليك..تطمنّي..
..زعليك..ز
و لا ايسيروا ايقولوا...تاب تاب..الي راح لبعيد لكن ما غاب..هذا الشعور الي بينتابنا ماغاب...

بس طاف على السطح الحكي...

صرت أنا بدي منك..رجاء خاص..أنا بدي من الدنيا ثنين بس انتي و هالمرة..لا بصسيروا ايقولوا..
تاب..الي راح لبعيد لكن ما غاب..هذا الشعور الي بينتابنا ماغاب...
ما غاب..ما غاب...

ولا خاب أنا ظني استنيت عند كثير ناس و الناس أتاريها!
Track Name: Oghniyit Ghash'ara-أغنية قشعرة
اغنية قشعرة:
إجا و قت النوم حلفت ما تقوم القرار مسؤول بس الوعي معدوم...فكرت إنك عارف من وين..قلت ياباي ياباي ياباي...
بحس أيام مافي مجال لتفكير زي على الإشارة لما تحط غير تبد الزوامير بعرف إنك بالحظة هاي انتبهت على الأخير حاولت أقلك بالبداية هاي أغنية قشعرة..
هذا الحكي على المسطرة منصلي مطرت مندقق بطلت تأخرت لأنها تعطلت كل الرحلة و كل المبررات و الضربة و كل الشركات المتضررات طب عنجد جماعتنا إحنا وين في اللعبة صعبة؟ الأجوبة و لا الرعبة الصحبة جماعتنا مين و أسئلة زي هيك مش لما شبح صدام باليل يجي عليك و مش عم بحكي عن شخص صورته ما تعلقتش بغرفتك غلطت أكثر منه و الإحتلال أعطاك حرفتك أنا لا أنتمي لحزب و لكني متفرج هذاك يوم و صرت من يومها مهرج لأنه متابعة التناقد على الشّاشات زي الفراشات على الرشّاشات..إذا مش طفولتي بتكون ثقافتي و إذا مش ثقافتي فيها من مخافتي إنه تصير إضافتي عىل المدى البعيد ما تناسبني و تيجي حملة عالمية لابسين فسفوري تحاسبني..بعرفش هيك أجت براسي لا تعاتبني يا رجل ما تدققش يا عمّي سيبني..

سيبني على أغنية قشعرة أفسر الدواعي أيسر سحب سم التعامل مع الأفاعي بجيبوا ناس صوتهم مش إذاعي و يعجقوهم أواعي تع طول حكي واعي من اللا وعي تاعي راعي بطبيعتي فلاح بدوي نازح لاجىء إشي شغل يدوي و ما زلت بستخدم المصطلح عشان أبرز الحقيقة الأرض كلها بيتنا بس يا ريتنا بالحديقة و هلا بدهمىةيلهوني فأنا مين؟ و مين أخوي ما كلها حارة وحدة من دار أبوك لدار أبوي بس بدهم إيانا نتخربش عشان على ثقلفتهم نرتكي قد ما ضاعت الهوية استحيت في المغفر أشتكي هاي أغنية قشعرة هاي الأغنية إلنا إذا فاهم اللغة المستخدمة إحكي إحنا قل نحن بلهجتك بتضلها إلنا مالنا مستنكرين و عن الفركة ملنا ..ملل ملل طوائف طوائف بس فرع المداخل من نواكشوط للطائف..مش حكرا حكرا ولكن مجرد ذكرا ألا رب فتنة ولكن ثمة فكرا لزوم القافية الشعرية للي حاب يتوحد الدعوة عامة زي الذهاب الى المعبد هاي أغنية قشعرة من القريب للأبعد أنا عم بعيش الحلم و أنت عايش متردد!
Track Name: Dfaf Al Nahir-ضفاف النهر
ضفاف النهر
أنا ما بدي أغني كلام اليل لا بدي أصف كلام مأسي دمار وويل..
الواقع أعوج بس بدي أوصل الموجود خايف أطعوج على المسرح إذا رح أفوت..و أقلك اني انا مبسوط أو مش مبسوط شو رأيك انت تقول؟
بس انا و أصحابي عنا وجهة نظر غني بدون ما تغض النظر
وعلى ضفاف النهر بجوز الشؤم يموت..بكرة على ضفاف النهر لما العشب يعود ساعتها لو بفلك غني مش مبسوط..بكون مش مزبوط!..شو رأيك انت تقول؟

انا و أصحابي هيك زي ما انت شايفنا فكل كمان في شب نكد مش طايقنا..

و على ضفاف النهر في طير بطير و مذكّرنا ما بيطلق علينا أحكام ولا مفكّرنا!...فكرك الطير مبسوط أو مش مبسوط شو رأيك انت تقول!