Far3 El Madakhil ألبوم فرع المداخل

by El Far3i | الفرعي

/
1.
2.
3.
4.
5.
6.
7.
8.
9.
10.
11.

about

‏PROD by EL JIHAZ
‏Recording/Sound Engineering: Hamza Arnaout (El Jihaz)
‏Photography: Ali Saadi (Aspire)
‏Record Label: Immortal Entertainment

credits

released February 17, 2012

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code

Track Name: Intro (Masura) - (المقدّمة (ماصورة
مقدمة (ماصورة)
ترى قي ماصورة براسي و جوّاتها سلاك
كل سلك بيحمل إشارة بكل إشارة أجاك
أجاك الفرعي بجي أزفّت المداخل
و أسمّي الشارع بإسمك عشان ما أنساك
أكتب "فلو" ضعيف على شان أنهاك
وقف التدفق ..كانّك سبّاك؟
حياك أنا دايما سامعك بكل إشي بتحكيه
صاحيلك 24 ساعة كأني عمر سناك
إطلع من أساليبك إرجع ورا هناك
هون منحكي عربي العربيزي هنال.
هون منحكي عربي و الحكي لكل الناس أنا شوي حساس بلاش إيصير بينا إشتباك
من وين لا وين بدك إتف عنّا من هين
بقلك زي سوق عكاظ جبتلّي ال"ليتل واين"
المسرح مفنوح بس في شروط ااتنافس
هسا برمي المايك و بروّح زي أردوغان بدافوس
أنا من أيام ما كان مش مفهوم الراب الي زيك لازم يدفعلي ضريبة بدل أتعاب
شفتك بمسرح الحسين براس العين
أنا كنت أزت على الجبل الروسي أيام مدينة الألعاب
فضحك عليك إلي قلك إنه الفرعي هيب هوب
روح شوف الراب العربي بشارع الوكالات بنط
و ضحك عليك الي قلك إنه الموضوع حفلات جاز
حضرها الي رفض فيزتك بسفارة يا استاذ
و لسا في ناس علقانين بروك ان رول و شياطين
و بيجو على الحفلات لابسين بلايز عليها تنين
كلهم بيشلحوها لما ايفوتوا بسين و جيم
خلاصة الموضوع هون إنه الفرعي قديم
من أيام ما كانت الشباب تطلع عشان تقعد تجحر
قبل ما يكون في نايت لايف و بعد السهرة نطلع نفطر
الله يرحم أيام ما كنا نتبرع مين بيقدر إيطلع مهندس الصوت من المغفر
فلا تخلي الماصورة تتفجر و تتضارب الأسلاك
مصطلحاتي جوا المبنى بتعملّك إرتباك
و مش فارقة عندي كم واحد غجا واقف وراك أنا وراي الديجي تنساش تقله عافاك
لما تخلص الفلو الي فإيدك تنساش تقلة عافاك
بالمرة الجاي ما ينساك أو يشفلك كرو الي يحواك
يا عمي سيبونا من "الإز" سيبونا من الواك مش تطلع بكرة سمعة غنه الفرعي عاداك!
Track Name: ‬FEM 3 - فرع المداخل 3
فرع المداخل 3
مهو شوف الطريقة هاي أنا مش مقتنع فيها
أنا لا سكّان حارتها ولا ضواحيها
بس لمّا سمعتك في إشي براسي إشي أساسي
خلّاني أحس حالي مضّطر أحكيها
أنا عم بحكي هلّأ على نمط التفكير المواضيع المختارة
الحكي الكثير أنا أكثر واحد بيحكي بس بوقت قصير
أنا حاب أستوضح أي تغيير؟
لما أنت بتقلّد كل شي بصير بس لمّا أنت تفتّح و تصير بصير
بتقوم تكتشف تضطر تعترف إنه الفرعي رواية بتختلف بس إنت موضوع تعبير
وصلت ولا محتاجة كمان تفسير يعني تخيّل تامر حسني بنافس محمد منير
أنا بدّيش الدنيا تقلق فيي كأني عمر البشير
و مخبّي معاي في التدفّق متنبّي صغير
مين قلّك إنه اللعب بييجي بالساهل و إنه الإيقاع مستاهل و غنه الحكي إلي بتحكيه فعلا بحل مسائل
أنا من الناسي للسّائل من النهر الى الساحل من الشتات إلى الداخل..فرع المداخل
زي حبة بتاخدها بتخلّيك تطلّع لقدّام بتنشّط المخ و برضو بتبسط المدام
و مدام الحكي صار شخصي تمام ليش بس بتغنّي في الحمام
"كيف راب على التراب" و الموضوع مش عام و مش راضي تقول شو بدهم ايسّوا بصورة الإسلام
كيف بتخلّيهم باخدوا منّك السّماعة و يجي مدير الإذاعة يشطب مص الكلام
أنا إسأل عنّي بس مش في كل كل كل مكان
المدخل عربي أصلي على طريع عمّان
مواضيعك خلّت لينا ما تطيق عدنان و قطعت حبل أفكاري فيا "دود و يا مان"..
عشان هيك جبنا الفرعي ما إلوش تأثير مش رئيسي مسارب و خد زوامير خد مصاعير خد ناس بدهاش ترحم بعض
خد ناس بدهاس تشوف ببعد خد إجتهاد إنسى التفسير حط تطرّف مع تخلّف جوا كاسة و غكسر عليها كحوا و عصير
مع حبّتين تعتيم عشان لمّا النسيم إيعدّلك راسك تقلي إحنا مين
خد مكاني على الدور خد حط إقلب على دريم خد وزارة تربية و تعليم
خد! لما إنت إبن ناس ليش عانل فيها دواوين..
بفرع المداخل!
Track Name: Mukawamah Madaniyyah - مقاومة مدنية
مقاومة مدنية:
بديش إياك تحمل سلاح و تتمشّى
بديش أشوفك مع العدو بتتعشى
بديش الموضوع إيضل محتكر و أتهمّش
بديش بسبب القصيدة هاي أتغمّس
بديش ما بدي ماريد ما أشتهي
ما أبي لا أريد ما بدّي ما أبتغي
بديش مبغيش ماريد ما أبغى
مش عايز مش عاوز بدّيش لا أسعى
بدّي قلم حبر خالي من الرصاص
أطلع و أنزل بالسعر على هالأساس
و جيلي يحمل فكر عربي و متعدد
أنواع للمقاومة بس لكل شكل راس
اللطخ ,الحدق, السامع, الكادح, الكالح, السائل, الناسي, الغني, الهني, المازح ,الشادد ,الراخي, المتراخي ,المتراجع الدارس, العالم الخايف.. بس حاسس بالناس
الراكع, الساجد , الشارب, النّاعف, الماشي, الواقف ,الحاكم, الأزن, الساجن, الثائر, الكاتب, الشارع ..المقرىء و القارىء..موارد بشرية لنفس الإحساس
كله بقاوم من بعيد شعب قنّاص
هذا لقبنا الجديد بدون إستثناء أشخاص
بقولوا كل الطرق تؤدّي إالى روما
معناتو إذا بدنا نوصل القدس بدنا أكثر من باص
جاي تقولي أوطي صوتي على أساس بتنصحني
بس أنا حاجر الخوق إنكسر لما بتونس لمحني
و ليش بخط الفقر متضطّر إني أكون معني؟!
لأنه إمي علمّتني إنّي أكمّل صحني!
(هل تعلم إنه... هو نوع من المقاومة * 3......بس ضلّك فاهم إيش إلي إنت قاعد بتقاومه)

و لاحظ كيف الإحتلال صار بقراراته إيعك
تصريحاته بتعزله صار بحاله إيشك
"جروب" مقاومة سلمية بجوز عليها أقل من مية
قاموا بإلغاء الصفحة من على فيسبوك
فمن هون لل"هوك" بدي أعطيك الصافي
أخوك فرع المداخل ناظم القوافي
مقاومة 2.0 تؤكّد عدم إعترافي
ب"دولة" الإحتلال على شان أحقق أهدافي
و هدفي الأول أثق بحالي و أثق بناسي
تصبح مقاوم لمّا تبطّل إنسان غير مبالي لمّا تبطل ترمي محارم من شباك السيارة
و إنت قاعد بتروي للشباب قديش الغرب مثالي
صوت الشعوب عالي مقاوم مدني مقال بوتّر المستعمر و بقشعرلي بدني
بتسمّيني وثني؟! و بتدّعوا اليهودية؟!
سيبوا فلسطين للي بيستحقّوا التعدّدية
حتى أجيالك إلي بتصنعها بترتد لأفكاري
تلاشى لحالك بدون ما تسمع قراري
حط ألغام بالصحاري حط حواجز في البراري
الموضوع مش مصاري حاول تغلّب على إصراري
مش متضطر أطخ عليك أو طفل بمخيّم إيشخ عليك
في ذخيرة بين إديك بس قاتلك إنتشاري
كل يوم منتعلّم إشي جديد كل يوم منعلّم العديد
سوف أعطيك المزيد..
Track Name: JAN 25- 25 يناير (Damar)
25 يناير
ورقة و قلم بإيدي بس الكلام هزيل
لأني قاعد جوا البيت على جمعة الرحيل
مش قادر أميّز الدموع فرح ولا غضب
إلي بعرفه إنها مش من الغاز المسيل
إالي بعرفة إنه الأردن مش وطن بديل
إلي متأكد منه أنه النيل يرفض إسرائيل
نيل سات و محاولات تشفير للحناجر الشريفة بميدان التحرير
بتقول للي برة مصر هاي المرة
هاي لإبن القدس هاي الأغنية لسمرة
قداحة بو عزيزي عاشت تونس خضراء
أم الدنيا فاقت..رضّعينا ثورة
ثورة يتغطّينا باليل بتدفّينا
زي قصص الخمسينات الي بيروها أهالينا فيها نبرة من الحزن و الإنهزام
بس الأيام تثبت إنها أحيت ناصر فينا
أحرجت العالم كله يا واد يا تقيل
30 سنة مستنّيك ده مش من قليل
إنحرق جوا الألب تعبنا من السلب
هلاري يا بنت الكلب بدّيش أسمع تحليل..
مش عاجبعم صوت الحق و هو قاعد بغلب
يا مصري غنت قول يا مصري إنت أطلب
العالم كله واقف بيتفرّج عليك
لأنه حتى الإعلام ما قدرش بشوارعك بكذب!
(يا مصري يا أستاذ يا مصري يا معلم..بديش مجتمع دولي إنت بإسمي تكلم شفتك على الشاشات بتتألم بس مبصوت)
أنا لسا ما فتش مصر فرح أدخلها بعزة لأنه من 25 يناير صابت جسمي هزه بتهمني تحرّكاتك كونه إمي من جنين
محسوبة علي عمان و ابوي تربّى في عزة
أكاذيب الأسرة الدولية ماتت من شهر لما قالت إنك حتقومي تنتفضي من الفقر
فكرك لو موسى هون بيتنحى فرعون
كل العرب عارفين إنك قمتي من القهر
بس حكام العرب دي الي ما بتأيدّش
مش متأكد بس ما هي ما بتتكلّمش
ما هنش عليكي سيدي بو زيد تكون الوحيدة
يا سيدي عليكي و إنت بتقولي مش حنمشي
حاولو يضربوكي إسفين بموضوع الدّين
وقفتي بنص الشارع تقولي كلنا مصريين
أقباط بصلاة الجمعة بيحموا ظهور المسلمين
جبرتي بخاطر جوليا بطرس بكل هالملايين
حزين لحني قدام هتافاتك إالي خلّت عرب مشرذمين شعب متماسك
و الغرب مخضوض قدّاس أحد الصمود
بلاد العرب أوطاني على أوتار العود
فياخوي يا مصري أنا حاب أقلك الأتي
وقفت توقيت العالم كأنك الساعاتي
شعوب العالم الي رح تموت من الجوع أكلت من إيد شهدائك الفول النباتي
ات التغيير و أنا مؤمن إنه اتي
حاصل التغيير لو بستغني عن ملّاتي
و صحيح الطريق لسا طويلة و صعبة
بس إذا كان في قوانين للعبة غيرتلّي حياتي!
Track Name: FEM4 - فرع المداخل4
فرع المداخل 4
انا عندي اسلوب شوي جاد بس كامل للإستعداد للسخرية
إذا كان هذا هو المراد
حط بنية تحتية لما الكلام حاد هذا الي انت بتسويه
صحيح 3 أبعاد بس بعيون ثلاثة أرباع الشباب كله معاد
أنا حاب أتشرف و أتعرف من هون على شاعر استفاد
من الراب العربي بهدف توحيد البلاد
من هون الفرعي و المداخل من غاد
بس متوغل في الأقطار العربية أكثر من الموساد
شكلك الإبن البكر يتغني منذ الصغر بس ما بتحمل أي فكر
فما يتشكل تهديد..فك عني بقصص سمعت "ام سي" جديد ستايل عبيد
كلنا عباد الواحد احكي اشي جديد
و اذا كنت شاك بحالك ببعتلك رسالة بالبريد
عشان تتأكد اني عم بحكي عنك انت بالتحديد
عيد سعيد على الشجرة فرع المداخل بده يوقع
بس أحد زي بلال بضلّه ايعيد
فلا تفكر حالك انشهرت تروح تسجل نادي حديد أنا الدم الي بالقلم أنا الحبر الي في الوريد و في تدفق
بغزارة فلما ترتفع الحرارة لازم تبلغ الإدارة انه الضخ شديد
فزت مسابقة على طنط إف إم فكرت الك صيت
مصاري المسجات لشركات اسلوب تصويت
صحيح انت من هون بس ما إلكش على اللون
اسحا تفكّر البلد بطّل فيها عتاعيت
منرحّب فيكم سيّداتي انساتي عيني اغاتي
انت بصراح ما الكش على البيت
احنا منغني الداخل الحصار الشتات الضفاف النسيان شو كانك نسيت؟!
أقلك خفف الإضاءة وقّف وافتح الستارة و دخّاي كل الواقفين برا
حوالين العمارة بجوز واحد منهم أو تنين
ايكون تاع راب و انطرب تاب قلب العاصي دخل حامل معاه غضب
احنا ناس ناس من النوع الي لسا ما ارتعب المخ شرد هلأ بس ضل العصب
فلا تفكر النفط المسروق جبلنا ذهب الفكر التهب
ذهب بقص بيوت و مساكن و الفرعي ساكن من زمان عند عرب
فامحي اللغة العربية و درّس الناس أدب
عمرة أبو 500 سنة أو 63 بس أنا الي فعمان سنين بدوّر على المنبر الي أتف فيه لهب
ضايع بين الضمير و العقل كون فعل مش رد
بكرة بينهد كون عنصر تغيير زي ال"إي أر" يا عمي كون زي صح أو استقيل
زي بك..بلا شك الساحة فيها ناس من البيس لاين للتك
للزقفة جامدة ماسكة الإيقاع بتفلتش
بس انت ما بتحتك انساك من حكي الناس
هذا الموضوع فعمان عبارة عن مبارز
حامل معه كراس عليه النتائج بس هالمرة غشي بيرفع الراس
فش غلط في الطباعة تقلقش من الأساس
جرأة الإحساس من عندي زي عبّاس ابن الفرناس
المكبر فاأس احصد احصد
بس افهم المجاز لما تعتاز تعبر
مش صروري تفهم التفاصيل الي ضايعة جوا الجاز
هاي الأغنية لرابرجية عمان الأصلية

...من فرع المداخل
Track Name: Tazkarah wu Jawazein - تذكرة و جوازين
تذكرة و جوازين
صباح الفساد و الفشل السياسي
المأزق الصعب و العيش القاسي
انا بطلت متذكر من القنوة الي أكلتها على راسي
إذا لساتني متذكّر مطلبنا الأساسي
بتقول للحكومة إصلاح بتقلك إحلبو
الشعب بقول إصلاح الحكومة بتقول اضربوه
فلان طلع مظاهرة و في كثير بيشبهوه
بس فلان بالمدرسة الحكومة بتقول جيبوه
انا مستغرب أجهزة الأمن كيف بتقبلي
ما على الحساب مدرستي مجتمعي مستقبلي
ولا إحنا مكتوب علينا بالشعارات نمبلي
ما هو يا شعب خاروف يا إنت عم تتهبّلي
صرنا زي الحنمبلي الأقل إنتشارا
و الفاسدين و البلطجية الأكثر إصرارا
في واحد جنب الأزرق بس لابس مدني
و كلامه مثل مقالات الرأي بتسملّي بدني
صحيح إسمي الفرعي بس مش واقف على الطرف
ولا بشارع المطار الي مع التحويلة إنحرف
أخّروا الرواتب عنع الشيك ما انصرف
بيع أملاك الدولة إحجز طيارة و إنصرف
و إذا فكّرت ترجع مافي حدى الي أيحاسبك
خصوصا إذا كلن أمين سر الصندوق مناسبك
وزير لأسبوع و راتبك للأبد
إذا أكيد مطالب الشعب ما بتناسبك!
(شفتك في مبنى ثنين ..تذكرة و جوازين)
نحن نريد للدستور تطبيق لا تعديل
وفهموا كل شركات التوظيف و التشغيل
أنتم الة للبطالة و للأموال غسالة
المسرحية الي بالشارع حقيقة لا تمثيل
تسهيلات تساهيل مافي للمحلي بديل
أنا رافض من ال "إن جي أو" أي نوع تمويل
علق همومك على حبالها عشان تنشرلك إياهم
بس لما اتطب بالمنشر بيوقع الغسيل
اتيت و حكيت عبرت ما استحيت
دائرة مكافحة الفساد عليها اشتكيت
سحبتها على جنب الموضوع كيت كيت
نحن نبض الشارع مش نبض البنكيت
نعم نعم أنا مواطن ناقد مش من جماعة سيدي سيدي و من جوا حاقد
الموظف الذكي بتطفشه و بترميه
و بتحط محله واحد غبي عشان تعرف ترشيه
صحيح الي ما بيعرف الصقر بيشويه
والناس الجشعة متتقرب من المنقل بالمآكل
والناس المظلومة بالشارع عم تاكل مناقل
نعم نعم أنا مواطن صالح مش زيك ذنب لواحد من زمان صار سارح
من زمان ترك البلد و انت مش عارف اتطعمي الولد
كلمة واصل هذ من ذاكرة مبارح..
Track Name: Kol Marra Bahki-كل مرة بحكي (Boikutt)
كل مرة بحكي عنك:
كل مرة بحكي عنك بحكي كتير
بوقف باخد نفس بكمّل بحكي بموصوع مثير
من كثر الحقائق مش ملحّق زي الحقائب على الجسر فيهم عدد كبير من الأشياء
الحجة معاها أوعيها و أواعي لإبنها الأسير
إذا تركتهم بالبيت بينسرقوا زي الأشلاء أو بحلّوا على بعض زي على الجدران أسماء الشهداء
و التفتيش طويل زي فرد الأمعاء
من السيطرة على المعلومات إجا الداء
و الناس كلها إلها قصص تغطّي فعاليات المساء
بس لما أحكي عنّك بيطلع الصبح تدق الأجراس
ما زهقتش من هالراس و ما أوشكتش على الإفلاس
قد ما عملت عنّك توعية صرت أشرّب الناس بأوعية
بتضمّن أملاح من البحر الميّت المحتل و توصية
ندوة و أدوية نداء لرفع الألوية
إنسوا راوي الرواية المهم مقاطعة التسوية
المهم ما تصدّقهمّش لأنة المهتم بيتهمّش
غير ملّم و مغبّش على الحقيقة بس بهمّش
عتمة فما قعدّتش حسّيت مع الضرير
ما كنّاش عم نحكي عنّك فروّحت بكّير!
نزلو فيكي تحاليل تقارير و ما إليه
خلّوا راسي زي فوتبول شاته بيليه
معارض فوتوغرافية و لكنها غير خرافية
هالمرة التركيز على طفل الفسفور شال عينيه
بيتسائلوا الأوضاع مين كيف و ليه؟
بيتسائلوا إذا الشاعر عربي ليش فش دم عليه؟
كل مرة بحكي بموضوعية الموضوع بصفّي عنّك
مش متحرّك عم بتشنّج ناولوني إشي أعض عليه!
العضام الفك تخلخلت تحت الأنقاض تحللت
أيديولوجية الحرب المقدسة على دارنا تسلّلت
سياحة دينية طقوس و مناسك مش لناسك
الشعب صامد بس الإسمت إلي على الجدار متماسك
أحد حرّاسك و إعتبري الحبر ضريبتي
ياريتك مادّية كنت مدّيت إيدي على جيبتي
بدهملما أحكي عنّك إيفرجوا العالم إنّك مصيبتي
فلسطين أمي أختي و عشيقتي
"لا تضل معتاد تكون معاد" بقولوا بس بتضلّها قصّتي
سمّني زلمتها و سمّها حصتي
كل مرة بحكي عنّك بحكي كتير و لأني مرضت كتبت فيكي تبرير!
Track Name: ‬Kattaly - كالتالي
الموضوع كالتالي:
لا تفكرني زيك همي و حلمي اعيش بفيلا
قبل انتشار المول كنت أشوفك بأبيلا
قاعد بالكوفي شوبات بتلعب ورق و تلعب نرد
هاد إذا انسان أصله قرد بس أنا أصلي غوريلا
كل ما تحاول تنساني برجع زي صبرا و شتيلا
و بتقطع عني الكهرباء بتسمع مني أكابيلا
كلمات المشهد طلعت على نبتة البازيلا
على راسي بس أنا كلماتي من دوار البانادول لمانيلا
وصلنا أقصى الشرق لأنه مافي فرق
عشان بعز الرطوبة نشوف البرق
لأنها بلاد مسلوبة و مهرجانات ممانعة
ترانزيت بمطار أبو ضبي و بستنّى بمقاطعة
نصهم مزلطين و النص الثاتي لابس شرعي
بس القماش بتقسم بالتساوي لو سمعوا الفرعي
لأني متتطرف بالإعتدال لدرجة الإستغلال
بتلاقيني بكل حفلة زي المجوز بالشمال
بحب الشب شاعر موال و قوال
و بحب الصبية ثورة على الأخر زي دلال
قد ما أنا ساخن بيطبخوا علي البيت بيتمكس
عشان هيك بتجنب الأيديولوجيات القابلة للإشتعال
بعرف نوعك الي دخل المشهد بعدين ابتعد
عملت أغنيتين ثلاثة و لقيتك لبدت
شكلك لما دخلت في المزيكا ما كنتش عارف بدها جلد
يا بتموتوا بالقدس يا على خشبة مسرح البلد
تفتح الأبواب حسب همة الشباب
شدّوا حالكم عشان تتخرجوا ابنك قديش جاب
شكرا افريقيا علمتينا انثقف بالراب
لأنة النظام التعليمي عنا ماشي على قانون الغاب
مش متحرك فحلك من هلأ تتعود
قريني حاول يؤذيني غنّيتله تروّض
عندي أفكار كثير مش حابب أبرزها بنفس الوقت
اشي زي الدوريات على طريق اربد
إربة مخزوءة قلة مروءة
إلا ما تحاول تنفخ بس إلا ما تسوءك
دخت؟ هاتولنا كاسة مي للشب
لما تلقط نفسك و ترتاح قلي عشان أقرأ نبوءة
الموضوع كالتالي عالم ابريالي
نظام رأسمالي و الحل السريع مبدأ خيالي
فلا تكون رومانسي ركز افكارك بعدين تفرّع
بتوصل واحد منسي اركز عندة و اقعد اسمع
ما فيش اشي اسمة وقت مناسب للتجمع
اذا مش عارف تصبح على جارك كيف بدها الثورة تلمع؟
و من هذا المنطلق فرّع على كل المداخل
مؤسسات نقابات جامعات مشاغل
من فرع المزارع الى فرع القبائل
من الفرعي الفردي الى فرع العوائل
نظريات سلمية أو ميكانيكا القنابل
هات حرفي مثقف و خد جامعي جاهل
مافيش فكرة محددة بس في ناس مترددة
أفكارها مرددة و لكن باتت مهددة
للإعتراض لسا ما أجاش دور الإنقراض
هذا كله على افتراض انا منحكي على ناس متشددة!
Track Name: Khwatir Sharq El Nahir - خواطر شرق النّهر (DJ Lethal Skillz)
خواطر شرق النهر:
بعرف انه بهمكاش اذا كان كاش
اذا العيشة ببلاش إذا مين مات و عاش
إذا الأرض بترجعش إذا القصة بتسواش
إذا المولود بيرضعش إذا الناس بترضاش
كل مرة بسالفة زي طاش ما طاش
و بدك اياني أحالفك 1917
مش رح ايجيبلك الورق و المولات البغيضة لأنه الإحتلال كل ماله عم بصير سيدك
أنا حابّ أفيدك بس الإغراءات مريضة
و من كتر قعدات الفودكورت صارت عريضة
و الجم لنفس الشركة عليك زي الفريضة
منرحب فيك في حياتك الجديدة
بس برضو تنساش الأصل إنسان جغرافيا الشام
منقيش البعد بالمتر أو بالأقدام
زي سرفيس الجسر مش عارف أنام
لازم لما ينباع دونم تتمكس كل الأعلام
أنا خطة عربية 200 سنة لقدام بشوف عم ينمو على وجهك علامات استفهام
شكلك زهقت من الحقيقة و رجعت للإعلام التأقلم سام بحقل ألغام
والغز باللغم الي حوالين المستعمرات و اللغة و القصة و اللكنة و المستحضرات
راب شرق النهر مش راب عصابات و راب غرب النهر صاحيلك جمعة و شبات
من لجنة تقصّي الحقائق لحماية الغابات من جبهة العمل لجمعية الشابات
للتلفزيون الأردني بحقبته الذهبية
أنا بدي أرضي يا عمي زي دراما الثمانينات..
بدي أرجّع المشهد و انت خليك بسين و صاد
بتحتاج للي بحكيه..سميني مذيع الأرصاد..
كل مشكلة الها حل زي حارة أبو عوّاد
إذا يوما ما رح أرجع على اللد بمنطاد
تع اصطاد مفكرين ضد العنصرية
سايكس بيكو 3 سطور بالمنهاج بس مش سرية
أنا ذرية الغساسنة من الكرك للجولان من العقبة لدمشق من البصرى لحوران
إعلوا بالبنيان ولكن أتى الطوفان..
مبادرة بالرجوع أو استمروا بالنسيان
هذا من فضل ربي على المداخل و الجدران
أما هذا المخيم من عمل الشيطان
القنصلية استيطان ببعض المعايير النسبية
هاي مشاريع نص مبنية هاي مواد طبية
فرص انتهازية هاي فتحت كمان كازية
ممنوع تكتب بالعربي هاي رجعت النازية
عم بكنسوا بواقي هوية الهلال الخصيب
عم برمي خواطر شرق النهر على أمل انها تصيب..
أرشف الي ضايل عندك و أصرخ بالندوات حرقوا المكتبات تمسك بالأدوات
و سيبك من حجة الي فات مات!
Track Name: ‬A'aly - عالي
جدال:
كل الأشياء تؤول الى طرح مقبول
وصول الفكرة زي النزول الى الجذور
الفتور في التعامل تأجل موعد باصور تبدل الدكتور
تحط على وزارة الثقافة ناطور
معلق عشان ايهت مذيعة عشان تسكت
أعطوها العبارات فرط و هي بتبكّت
التدفق بمد بروح ولا عمره ببنكت
زي لا يمل و قعدة فيها واحد بنكت
فكت اليلة بكرة بحاول اجي
الا إذا صحيت لقيت الراب طالع من مزاجي
بس ما بتصير مع واحد بشيك البواجي
و أظن الي قتلوا "بيجي" هم الي قتلوا ناجي
فتلوا أسانج براسه لما بعتوا عليه بنتين
زي لما توقع مع حارة يبعنوا عليك تنين
انا و القلم أبو البريزة الشاهد الراوي
رح أضلني ضاوي زي جبل الحسين
ختمت مرحلة تنين لما باقي ال" ام سيز" نعسوا
اوعوا تندعسوا لساني بلعب جيجتسوا
كتسو بتسو! بتعرف ايش هدول؟!
فتافيت من القافية وقعوا على عشان ما تنسوا
فرعك صوت الحقيقة إذاعة الواقع
و إذا بتسرق اسم القناة اعرف انك واقع
من طابع النسخ حرفيا زي المطابع
و بالطبع الطبع من طبيعتك نابع

(و رح أضلني عالي عالي..بامتياز مع الجهاز زي ما انت سامع)
مشكلة الإبتكار و إذا بزت سنّار
تع صيد معاي أفكار بس مش بالأجار
قد ما بكتب براعوني بأسعار الأحبار
1983 سنة بنفس الكار
انت طلعت بأذار أنا عم بحسب عمر الأرض
لأني من يومي بدوّر على الغرض من الفرض
بقوم بجرد لحظات شعورنا بالإنتصار
عشان لما أتف عربي أصلي ما تشعروش بالبرد
صرت تغيرت وصلت وما وصلت
زي الثوار على أبواب مدينة صرت
عرت اهتمامي أعزائي المشاهدين
وطن عربي من أمامي أعزائي المجاهدين
السادة الكرام عبدة الأصنام
2011 أسلوب إبراهيم عليه السلام
أنا من مدرسة الكندي كلية علم الكلام
توارد الأفكار و الروؤيا بالمنام
ولكن هذا الإعلام يخفي مزايا عظام
ها أنا على التلفاز لابسا حزام
حارس على الشام ولا تحاول تزيحني
لا تحاول تمسلمني ولا تحاول تمسيحني
زنقة , فرع . مدخل , دار
بس انا مش معني بجدال خلقه الإستعمار!