Kaman Dafsheh | كمان دفشة

by El Far3i & Damar

/
1.
2.
3.
4.
5.
6.
7.
8.
9.
10.
11.

about

#Kaman_Dafhseh is An Arabic HipHop Album Containing Many Arabic and Other Music Samples From Around The World , Lyrics Discuss Many Issues Including Social Change In The Arab World, Occupation As Well AS Other Personal Experiences About Life In The Arab World

credits

released September 19, 2014

Performed By El Far3i
Music Production: Damar
Mixed By: Osama Abbas & Alex Merzin
Mastered By: Alex Merzin
Produced By Immortal Entertainment

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code

Track Name: Alaan | الآن
اشتري حريتك اللآن أو أبداً
آن الأوان أن تتكلم العربية علناً
وسّع نصف قطر دائرة تفكيرك كمان كيلو
عشان لما يعيدوا تشكيل المنطقة تلاقي حد تشكيله
زي طفل بالصين بيندهس ماحد بشيله
ستايل إشعال فتيلو من الفرات للنيلو
براءة اختراع أساليب جديدة للإقتراع
مش صناديق اقتراح لصفوف من الجياع
أتينا بأكثر أنواع الفنون صدقاً
مساحة لفتى الحواري أن يكون حدقاً
لبقاً بالتجاوب مع معطيات الكون
أنفخ فيه الحرية بس ما يطير زي البلون
أنفض عنه الجاهلية وفرجي انه هون
نوع الإيقاع الى بيتسلل على البنتاغون
عدسة دكتور بروف وصف لدمار الحكيم
اذا بتذوق معنا التيم بتحس انه بنبون
نظامي عصامي لما الجموع من أمامي
غير مدركة أياً كان العرق السامي
ثقافتك بتنسرق و انت بتفكر بالهجرة وتغيير أسامي
بتعلن عضوية دول على أمل تلاقيلها محامي !
بسَ لَأ لو الأرض بتنشق !
فرع المداخل داخل ومعاي أكمن Mc برررأ
عامل تنسيق صحَ لكافة الأمور
الي بتتعلق بكشف أصحاب شهادات الزور
و مش مقهور على فعالية ملغية .. بأرض الأهرام
لأنه الحفلة البديلة كانت أشبه باعتصام
مركب سام بالأستوديو التيم العام
جنب المسله Mc عربي برد على (الحا) خام
آه خام.. تدفق تاع الشام
تصدق بالأنعام زكاة عن ""FAM
أو الأقربون وبالعهد ماضون
موسيقى حوض النيل زي نوع صابون
من زيت زيتون لفوائده العديدة
الرمزية الثيولوجية لمنطقة بدك تبيدها !
مجتمع دولي أناني من القائمة ألغاني
بس لما يُقتلني مِش رح يعرف كيف ينساني
علوم بحته بتفسر التواصل الرُوحاني
بوجه مؤسسات دينية تمويلها علماني
الفتى العماني في القاهرة و فلسطين
القمة العربية أجت حسبتنا براني
بس سبأناهم بسنين
كل مايلتموا على بعض بطلعلوا لحن حزين
بدي أطلع وزن لعين أتف نار زي التنين
مش عارف اذا ملاحظين بس عم نصنع عرب جاهزين
شخصيات بارزين و مش عارفين تحكوا
مراكز دراسات أمريكية على الهوا بتستفزكوا
بتتحججوا بالمؤامرة على أمل انكم تبقوا
الشباب بتصرفوا مع الاستعمار الجديد مش جايين انجربكو !
Track Name: Al Meethaq | الميثاق
قد ما الحراك تاعنا عميق صعب عليك التصديق
عينيك مش عم بتشوف للإشي المحلي بريق
أمنت بالفريق زي أبو بكر الصديق
بضلني معهم على الموت حتى بلحظات الضيق
هم الشباب مش سامعيني ولا المستوى لا يليق
كنت حاس حالي على الهامش لقيت بالحاره شقيق
من يوم ما تعرفت على جلجامش منضلنا نكتب منامش
صرت لما تفوت على الفرعي تحس حالك بالسيق
إحنا معبر ممر مضيق من آسيا للإفريق
إجينا نقتل الشيطان وننهي تجارة الرقيق
ربة عمون Illadelph الأصلية وقت الإغريق
حتى إلي مش فاهم إيش عم بحكي شامم ريحة حريق؟
قربو لعندي هون بس معلش طفوا الخلويات
بدي أشوف الشباب بالميات و الفتيات الحيويات
باي مازكى الابتسامة بدي أدفعك غرامة
الراب العربي مطعم إحنا بقسم الحلويات
بسم الله ما شاء الله ياخوان وسعوا أولويات
ستايلي بس ينهضم بتحول سكر زي النشويات
تدفق طويل القامة بتميز بالإستقامة
مستعد أصرفلك عامود فقري إذا كنت من الرخويات
لأنه جماعتي إلهم نظرة زي أعلى نقطة بالبتراء
لما بتطلع معانا فكرة منروح مطبقها بكرة
جماعتي على فكرة سبعة آلاف سنة قبل الميلاد
إنت مبين من حركاتك إنك طلعت بأخر فترة
الميثاق تاعنا محفوظ منقوش على صخرة
المعلومات مهمة كافية ما فش داعي للنشرة
ولو إنه المبنى صغير بتحس أنه قصر عمرة
بصراحة الي انت عم بتقوله أزنخ من زعل و خضرة
فيا تيجيش بالمرة يا بتنزل هاي المرة
مستعد أوقف مستعد أتحرك بتحسني إشارة صفرة
فبيروت لأول مرة و أنا ماشي بالحمراء
تأكدت إنه أنا و الراب العربي زي مناصرة و جفرا
فاقتبست من 961 المقاومة رياضة
و بال 970 ستايلي يبشر بإنتفاضة
قد ما وعيت أجيال إعتمدوا جوابي لأي سؤال
أميات برنوا علي آجي أغير لولادهم الحفاضة
فقولوا وال! هذا الفرعي مشطوب
المبنى طلع مش من طوب ولا حبه الأسلوب
لو شبت حريقة هون يا دوبك نلحق إندوب
بس هذا الأسلوب اللعوب مفروض يغير الشعوب !!!
Track Name: Kaman Dafsheh | كمان دفشة
مش رح أبيعك حكي الخراف المطيعة
ولا حكي الناس إلي بقولوا عن حالهم سميعة
عملنا فتحة بالسقف الشعارات فقدت معانها
القصيدة إلي حاب تسمعها هاي القصيدة التي تليها
فـ شئت لم تشاء رح تسير تغنيها
لأني زهت من الكلمات لما ما بتعنيها
في عقول كثيرة في القارة لازم أروح أرضيها
فبغني للحارة .. بس ما بضيع وقتي فيها
ساحة الراب قتالية حوالين المايك حمنا !
إلتهوا ببعض على هبل فعن الحقيقة صمنا
قد ما أكلت Mc's صرت أعاني من السمنة
كلها حيوانات بتحكي زي كليلة و دمنه
و أه بحكي معاك وإنت عارف إنا متفقين !
بس عشان تبين منتج ثمين عم تغرض عني العين
عمًالك فعمان تعمم و تعمل تعميم
بحط النون على الألف و بشقلب العين على الميم
و بعمل من أحرف المدينة كمان 100 تصميم
المسئلة بدها فهم ما بحلهاش البصيم
قد ما حكيت عن نفس الموضوع حلقي عم يتحجر
بدي أحطه بمتجر كان متحف قبل ما يتفجر !
و أضلني أتف حقيقة عشان الغير الحقيقي يضجر !
إسأل عني أخوك الفرعي صعلوق متنجر !
يطلع من أبواب حياتي كل واحد اصطناعي
إصحى يا صاحبي من أسلوبك الإنصياعي
إنسجاني إنسجامي
إنت الجاني و أنا المظلوم
بضلك تتشكون و انت غرقان بالهموم
كان لازم تركز على الآيات إلي بمنهاج العلوم !
كان لازم تسمعني للآخر قبل ما تقوم
وهلأ جاي بدك تفاخر بأنك بتعالج سموم
المجتمع إلى قد ما شاف عاف صار يخاف
بسوي إلتفاف لما بياكل الكاف !!!
مافي أحلى من هذا الهوا الجاف
زاحت القافية من الإرتجاف قومت غطيتها بلحاف
خاف الله يا إبن الناس و عاملنا بإنصاف
مش تقطعنا نصاص وتجوعنا لدرجة الجفاف !
صلب الموضوع عندي ما بيتعارض مع الأعراف
قشرة استخرج منها أسبرين زي الصفصاف
سحبوا حنجرة شاعر بالشارع دفشنا المطالب
الناس نسيت القصة من كثر المصايب بالغالب
الإعلام مع الفريق الغالب بيقرأ الخبر السالب
الموجب بالموجز عاجز عن التأقلم مع هيك قوالب
كاتب رسام قلعوا أظافره بالتعذيب
لما عم بكتب عن هيك مسارب عم بيطلعلي مخالب
بتحول لغول غاضب بيتغدى على الشوائب
نص الشعب شارب بحلف و بتف على الشوارب
كان نفسي نلف الكرة الأرضية و نزور كمان كواكب
و نرجع على مجرة الوطن محملين كزا راكب
... بس إنت مش راكب !


تع إدفش السقف
معاي كمان دفشة
... كمان دفشة
Track Name: Daftarak | دفترك
دير بالك يجي يوم يخلص فيه الفيلم
بتسمي كلماتك ناضجة ودفترك لسا بيحتلم
آه الفرعي تلم لأنه ياما رابرز بزم
عالي زي العلم إنت مجرد رقم
لم أصحابك يجاملوك عأساس إنه زخم
الأرقام بتعمل "جروب" ضخم بس ولا واحد فخم
تحمل كل اللخم لأني أتيت لأصارحكم
إنت و كل هاي النمر زي "لتشيك مزارعكم"
بدك تحاول كتير عشان تفهم أسلوبي
أكتر من محاولات اغتيال الزعيم الكوبي
و تمر بإجراءات عديدة زي العريس النوبي
لازم و إنت بتغني تلعب رياضة بنفس الوقت زي روبي
مملكة كلماتي بيدخلهاش الفتى الساذج
لازم تروح تجيب طلبات و تعبي كثير نماذج
بدك كلمة سرية و فرك مصابيح سحرية
بطلعلك طلب من الثلاثة عشان الأزمة الإقتصادية
ما في تعامل بودية و ما في مع الوجبة هدية
لإنك مش فنان بس جاي تتشعبط على القضية
رح تقعد من مكتب لشباك لمكتب إتطارد
فهمت هلأ ليش كان المارد أسلوبه بارد ؟
**
دفتري إنسرق دفترك إنحرق
كل الدفاتر من ورق دفترك ما بينقرأ
الدفاتر معبيه السوق و بدل النوع عشرة
بس دفتري و دفترك مش جايين من نفس الشجرة
**
هذا إلي عم تسمعه اسمه نظام توعية ترفيهي
في ناس بدهم ألبومي الأول مادة للتوجيهي
إنت بتنشر على شعب نشيد نشاز تقليد
بس بيلزمك فت كثير المشكلة إنه ما في سميد
بإختصار "بخ" شو صار؟! بخيتله نأز !
باختبار باختيار أنسب رمز !
لقيت M'c بغشوا من بعض بسؤال الدوائر
واقفين بدوائر مش دارسين زي موظفين الدوائر
فرع المداخل من الأول للآخر
بقلب على فنانين هز الذناب زي فضل شاكر
شوف يابا الراب العربي مفيش فيه واسطه
ما تقوليش إبن خالتك بعمل راب لأصير واصلك
بحارتك أحاصرك بفنون معاصرة
عميد كليتك لو سمعك من زمان صار فاصلك
في ناس بفكروا هاي الموسيقى زي قعدات الشدة
إذا مصرين قلهم إني "تريكس كومبليكس" و إنت "باصرة"
إبتكارية معدومة كيف بدك الناس تنتشي
زي كمان مطعم بعمان فتح إسمه "إشي و إشي"
بركلك ركلة بخليك تطلع رحلة
تنسى أفكارك السهلة و أول ما ترجع تختفي
مش كراهية مني بس عنجد سحقا لك
تباً لك خليتها تفك ماذا بك ؟!
هاي قلم BIC و بخمس و ستين 65 قرش شيك
إشتريلك دفتر جديد و بلش براسك حك !
Track Name: Johud Fardiyyah | جهود فردية
طريق معروف أوله بس مش معروف آخره !
عملتوا فعالية نص كم بعدين إجيتوا تفاخروا !
بعد أول حفلة ما استنيناش حدى يقولنا باشروا !
الموضوع مش بإيش بتلبسوا و مين بتعاشروا
شوي شوي زي التنقيط بالري
لما كنت قدك كنت عم أكتب محتوى ني
فإذا بتركز بكل شي بقوله بجوز تلعي منافسك
عشان هيك ال Mc's الضعاف بحبوش يكالو حوالي
تقيد بالزي بلاش أعتبرك ملغي
بفلت عليك شاعر شوارع شقي
الموضوع مش تجاهل و لا أعمل تنازل
صحيح منغطي التكاليف بس مش عارفين ناكل
كلها جهود فردية و مافش حقوق محفوظة
و المنظمين بس بالصيف زي ثلاجات البوظة
أنا بالشتاء لابس خوذه بغني لشباب منبوذة
بدون تدفئة مركزية بتفهم قوة تحمل بوذة
في ناس بتستسلم بآخر لحظة لإنها هشة
مش عارفين إنه بين الفشل و النجاح قشة
كثروا ال Mc's وعملوا دحشة
صوت و صورة قلي أصبر بدنا نعطيها كمان دفشة
دمار الحكيم قلي سنين عم بستنى بالفشة
و الجهاز إعتبر كمان حفلة ببلاش نكتة نغشة
أخوي أبو الزوز قلي خليك مدروس
و أخوي إبن إمي وأبوي قلي المهم تضل محسوس
زي حصيني مدعوس على شارع المطار
إماطة الأذى عن الطريق بس بالقرار بتحتار
أيام بفكر الخروج من المشهد مش زي لما تفوته
بس و لا عمري تعرفت على واحد ترك الموسيقى مبسوط
Track Name: Dalal | ضلال
كلام سليم بس موجه لمين ؟
إحنا بمكان قديم بإيد حملة ترميم !
شوفت كمان حزين عباب شركة التأمين !
عنا كتاب عظيم بس تاه التحكيم !
64 سنة إلا شهرين بجحيم
أكبر مائدة بالعالم وناس عاملة رجيم
كوكب وضعه بالسليم على بلوزة شب غشيم
بلاد حكمها الجهل بلاد غزاها التعليم
مشاعر أزاها مسائلة أي حكم تحريم
لما السؤال بينطرح محدش بقول الله العليم
كلها بتفتي يا أمتي بعتي المرجع الوحيد
و بالتالي ضعتي ... !
هذا هو الشرك الخطبة لم تثرك !
بدون أحكام قطعية و تأثيرات العرق
قانون الغابة هو قانون الطبيعة
فمش فارقة إذا الدب إلي على الشجرة بداوم بسرك !
الشكليات مجرد ثقافة الإيمان منه النظافة
معجزة خالدة بس انتو ملتهين بالإضافة
مختلفين على مرجعيات لأنها بزبط زي الصحافة
و فكرة المشرع الوحيد ما حدش ما خذها بحصافة !
تافه أنت وهو إذا مش فاهمين الفكرة
ماخدينه حكراً مش فاهم إقرأ !
بالمناسبة هذا خلل إجتماعي بحت !
قد ما حكيت عنه طائفيا إنذبحت !
إنبح صوتي وهوا الجاهلية خلاني إلتفحت
إنمدحت لما كنت أتسائل بس من تحت لتحت
و لما تعارض زمني مع زمن الأسبقين
تمسكت بالأساسيات قالوا إني عن العقيدة تزحزحت !
Track Name: Natihat Sahab | ناطحات سحاب
بدي أحط حالي في مكان مش مضمون
و أطلع الحكي الي أنا عليه مفطون
لأنه قانون ملعون يسحق الي مادون
الطبقة الي بتهدر ألاموال بجنون
حارة ما فيها حدى على حدى بمون
غارة على التلفزيون و من ثم ينسون
كلها ناطحات سحاب خرج كل يوم تنتحر
دمي حامي و الهمة حديد خرج كل يوم أنصهر
تفاصيل الحكي المعتبر بتيجيش بالمختصر
عم بلعب نار هادية قبل ما الطبخة تنفجر
خايف أنا أسافر و الالهام ورا الحدود ينحشر
ساعتها أفرع مداخلي كيف بدها تنتشر
ما بديش أوصيكم على المسرح خليكم
راب شرق النهر قوم فرجيهم
اذا غبت فترة تفكرنبش اني مش راجع
أنا المداخل معجم التفسير و المراجع
برمي تدفق بشع مابكون عندك مانع
لأنه شهادة المنشأ بتطلع من المصانع
حقل مصطلحاتي واسع زي ما أنت سامع سامع
عم بلعب دور المادة العازلة في المواسع
اذا بتمس حدى من الي بحوطوني احذر الخطر
بتتفرغ فيك الشحنات إلتزم الحذر
بحسسك الدنيا عصر زي تردد سحر
إيقاعي رباعي و ثلاثي البحر

خماسي رجل آلي يتشكل من بشر

سداسي مقياس فحص قوة البصر

مش متأكد إذا رح اضلني مكمل معاكم هيك على الأخير

بس على كل سبع سموات و ثمن دواوير
هاي فضيتلك الساحة فرجيني من أي ناحة
لو الشيطان على المسرح بطلع بعمله إزاحة
جبهات عالمية مختلفة زي جنتاو و بوتن
و إذا مابتآمن بـ الله روح إسأل نيوتن
عن الأوزان إلي من الباب ما بفوتن
عبيد التسوق , نبيذ التذوق و ibuprofen
دخول الأسواق الحرة بظروف مرة
و موظف المبيعات إلي مش عارف إنه عم يضرك
وما يغرك دعموا الخليج عشان تشتغل
وإلي بضل بالشام يقعد عن البطالة يرتجل
بسلوخونا فتن عشان نضل ببعض نقتتل
بطفشونا وبقولوا عنا شعب مفتعل
الموضوع بهمي مش بدمي وأنسابي
فعم بحكيلك حدودة ال CIA و الأعرابي
إيش بالزبط عم يصير وإطلاق مصطلح إرهابي
كيف دفشوني على الصحراء و أخذوا مني أعشابي
وإذا لهلأ مش شايف بالموضوعين إرتباط
رح تفهم لما تخلص فترة فك الإرتباط
لما تصير وزيرة الخارجية الأمريكية سُنية
وننسى القضية لأنا عايشين في بلاد غنية !
Track Name: Ihtiwaa | احتواء
بترجّاكم ما حدّش يحاول يحتويني
يناول رسوماتي لحدى إلي يخدش تلاويني
إستقلالية كلماتي عشيقتي إلي بتواسيني
لا تشقلبونا و تعدمونا مع بعض: كلارا و موسوليني
وهاي لإلك إذا مفكّر إنّك بتتحكّم بكلماتي
إلي سمعته لسّا مقبّلات , خدلك صحن "كاليماري"!
و هاي لإلكم إذا مفكّرين إنّي بغنّي بمقر الحزب
كله كذب, كلامي الخصب بس لإلي بينتسب
أفكاري بتناقض نفسها , لإني مش مؤدلج عنيد
إنت مبرمج و الصراع كل ماله عم بياخد شكل جديد
كل ما تغفى بصحّيك, هذا القصد و الهدف
الفرعي النخبة (أ) سمّيني "بن العميد"
سمّعيني زغاريت كأنه إبنك شهيد
عم بطالبوا بحدود ال "67"..و هذا طلب زهيد
إحنا لهلأ مش عارفين إيش بالزبط بدنا
منضل نزاود على بعض , و كل واحد فينا موقّع هدنة!
فتنة! بالحيط فتنا فاتوا!..تفتفتنا
في لحظات حاسمة في التاريخ..كيف ما التفتنا؟!
ما تنسوا إنه هم إلي رسموا فلسطين التّاريخية
فلما عم منطالب فيها الحنك عم بكون "مرخية"
حكيتها بالمؤنّث ..خايف تكبر و تعنّس
بدّي أضمن إذا أفكاري تكاثرت ما تتجنّس
و تنحسب على موقع جغرافي إقليمي
وتصير تقولّك "زي ما بدّك إقمعني..بس مشان الله طعميني.......
**
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
بترجاكم ما حدش يحاول يحتويني
بترجاكم ما حدش يحاول يحتويني يحاول يحتويني
مش رح تعرف تحتويني لو بتحاول تحتويني
بترجاكم ما حدش يحاول يحتويني
**

لتاريخنا النّضالي الإحترام..بس الصّلاحية خالصة
كل ما عم منشوط من نفس الزّاوية عم بتيجي بالعارضة
هلّأ فقدنا الحكمة و الشّجاعة..إستراتيجية فارطة
لو "إبن خلدون" عايش لقّلك خلّيك ب"حنضلة" و إنسى الخارطة
بس مشكلة الطّرح هاد انه إله كثير أبعاد
"هنري كيسينجر" كان عم بيستنّاني أكتب البيت هاد!
اليوم هات شركات , وللحكومة نسبة
شعبي على الضّفتين ناشف على أراضي خصبة
الفرق بين عمّان و رام الله بالثانية عيني عينك الكذبة
و بالأولى "البار" مش بالزّبط عند الحسبة
والشّبه إنه دائما في واحد بآمن بالمقاومة المسلّحة
و أخو بقولّه "وطّي صوتك" لأنه إله بال"مشروع" مصلحة
دائما في أختين وحدة "شرعي" و الثانية "مشلّحة"
تجويع..تطبيع..مين بالزّبط كلّحك؟!
أنشرها و إلك حسنات..مين خلاّك متخلّف؟!
قريتين جنب بعض..يابا أنا حاب أتعرّف
زي ما سمعت خرّف!..مخطّطات لعينة
شكرا! للي حبّوا "مدينة حديثة"..هاي مدينة حزينة
هذا من الحبوب نحيل..هاي من ال"جنك" بدينة
نسخة على "دوّار المنارة"..نسخة على "دوّار المدينة"
الإنقسام على الدّوري الأوربّي..صحيح! مين فاز بالله؟
الإتحاد الأوروبّي بعمّان..و "موفاز" برام الله
تحزّ بنفسي ثورة سوريا..يحزّ بنفسي "حزب الله"..
مين بدّه إياها "من النهر إالى البحر" ؟!..و مين إتّهموا إنّه تخلّى؟!
Track Name: Maloof | مألوف
بزت فكر مألوف لما بتتراكم الظروف
عشان أراكم أنا معاكم واقف بالصفوف
قلمي لا يعوف شعري مابيعرفش الوقوف
عم بفكر أنزل تراك كولابو مع أبو الحروف
بحب أسمع عربي أصلي كل حرف من الحروف موصوف
كل حد من الجمهور معروف عمد حدى من الي ما أجوش يشوفوا
أجو ما أجوش دخلوا ما حبوش
بتقبل الرأي الآخر على راسي زي الطربوش
المسألة جدلية زي وين يأجوج و مأجوج
وقول فرع المداخل تاع حكي ملطوش
بس تخيلني مش سائل بالقصة مش مدوش
عصفور بيلحقني وين ما أروح حامل معاه خرطوش
عمان مدينتي غريبة دايما بتفاجئني
على إشارة جنبي بتغبغبلي بدها تسابقني
تأسفت لأنه بتدفقاتي ماحكيتش عن حياتي
لما حشرتني بشارع مسدود سألتني عن بداياتي !
قلتلها ما شي على عيني و راتي
على ألف باء تاء ثاء نهياتي
بس أنا زلمة بعرف أولوياتي
ما أجيتش على الشباب ألعب دور الحكواتي
تحية لجنود المدينة إلي حافظين كلماتي
تحية للراديكالي إلي بشك إني إلوميناتي
تحية ورا تحية حتى للفئة المستحية
وتحية للي مسك القلم عشان يترك التعاطي !
**
تخيل لو إني ماعبرتهاش وضليتني كاوي
تخيل بعز الضهر تخيل لما الضو ضاوي
تخيل حالك على السدة بعلبة جبنة عكاوي
أو شوف حالك جوا الموسيقى بدنين السيد مكاوي
غاوي أنا ناوي على بلاوي
كتاب سماوي و الحجة نازله فيي دعاوي
هذا البلد حضن أعبط قضيتك فيه
و إلي بياكل لقمه هنية من صحن يقوم يجليه
أنا التراب بفديه بنقطة تعمد اليسوع
أنا الكلام هذا كلة بهديه لأي إشي بهل بلد مصنوع
بس ما بنتمي لأي جهة بتتواطأ مع المشروع
فبتمنى أبو الحروف ما يفشلش أبو الفروع
كل ما أشوف ولاد البلد بتزت فكر مسموع
بتفائل ببطل عائل بروح على البيت مصروع
ممنوع من اليوم و طالع تقولوا انه البلد ما فيهاش !
من العقبة لإربد في ناس عم بتزت أدباش
مش عم بحكي عن الهاش فكر عميق وشبه سائد
و إذا مش فاهم إيجابيتي برميلك إشارة زائد
بعدين بطلع من غواصة أفكار لابس زي رائد
فضاء عيني فيه إحتمال واحد
قضاء واجب إزالة حواجب
بتغطي على الناس الي الستايل لساته مش عاجب
واحد بسوي الحواجب و التاني سيس المساجد
عشان هيك شباب الراب العربي بالشارع عم بتراجد !
Track Name: Shan Mahally | شأن محلي
كل 24 ساعة عم بتوصل لغير نتائج
الأفكار براسي بتدافش زي الثور الهائج
حد يجي يمسكها بس مؤنثها بقرة
إختلطت الكلمات علي فش إشي إسمه ثورة !
الشباب منورة لما تولع فحالها النار
إشي بقول إرتفاع أسعار إشي بقول إنتحار
فرشت صفحات الغد و الرأي على طول الدار
قلت من مرة بطرش وصلت طلوع المصدار
بدي أشتري عفش فإلتقيت بنجار
المفروشات مصفوفة دحش منراعيك إختار
بدينا بـ "ياخال إنت أول زبون من الصبح"
إنتهينا "بأمريكا بتخليش حدى يزرع قمح"
بكل بساطة يوميات شعوب تحت الإستعمار
لا تضخم المؤامرة مجرد إحتكار
فإفطروا إستقرار وتغدوا أمان
بدكم تتعشوا ؟ مافي كمان
إطلع عدوار الرابع نام مع الأيتام
زي محمد أحمد "إنسان ماني حيوان"
مستنكرين على الشعب التعبير عن المكان
زي لما اكتشفوا الفيسبوك بأمانة عمان
إحنا بنو إسرائيل الأصليين بدون صحراء تياه
ما حدش عم برد علينا زي شكاوي المياه
التمويل أعلاف تالفه وبسموها معزة
نازلة سكب زي الترامال على ولاد غزة
**
فلوين يابلد بدك إياها توصل معانا
و لوين يابلد بدنا إياها توصل معاكي
مش معقول يابلد إنضل إنقول "هذا إلي إجانا"
مش معقول يابلد تقوليلنا هذا إلي إجاكي
فلوين يابلد بدك إياها توصل معانا
و لوين يابلد بدنا إياها توصل معاكي
مش معقول يابلد 10 فيكي معهم ملايين
وستة مليون كل يوم يجوعوا فداكي

**
أنا مش كتير إشتراكي ولا بمظاهرات الحراكي
أيتها الإصلاحات إني لا أراكي
قام الهاكر بإختراقي منيح خلص إشتراكي
كنت بدي أفوت على الفيسبوك و أكتب ستاتوس راقي
مظاهرات جرائم الشرف ما كانوش بنات مندسات
بس يافطاتهم ركيكة فأكلوا كثير دسات
الشعب متوتر إضراب معلمين و مسات
مش عارف إذا أنا الوحيد إلي جايه الإحساس هاد
السلاح بالبلد عم يكتر مش عم بحكي عن الجاهات
الروس الكبيرة تركوا البلد و خففوا قعدات
رح نضطر نتصرف مع الدبابات جاي للفوسفات
أنا بقول نطلعلهم بمسدسات كإنا على الجوسات
الطخ عالهوا بكون بالأول تهديد
كنا بعرس وطني بس هلأ إندلق الجميد
خنحكي بالمفيد المنطقة كلها مكركبة
والبلد فيه موارد عم بحكي تحت الأتربة
معادلة القومية العربية وضعها تحول
الغالبية همها تاكل مش همها تتجول
و في أقلية حرمية عايشين over the rainbow
أنا تكسي بدي أشتغل فنزلتهم عالأول
Track Name: Moheet | المحيط
كل يوم الأزمة عم تتفاقم وجوه عابسة
حكيت عن الأرض كثير زهقت من اليابسة
مش طايق الحيوان الناطق بدي أعيش تحت المية
ضغط عالي مش قادرين نتنفس طلعت هيه هيه
وصلتني لعند منخاري وخلتني بدي أعطس
ثديات ع بعض بتتغطرس خلص قررت أغطس
لتحت تحت أنا هيك إرتحت
مافي سده واستريح ولا في من الهوا إلتفحت
ودعت العالم المريض عمي فش بعد المحيط
لا فيه نظام عبيط ولا شرطة وشلاليط
هون بإختيارك بتبيض وبتضلك على البيت
مش مين صار إله سيط ومين نزل شريط
العيب الوحيد إني كان لازم أتعالج قبل ما أروح
غصت في عمق العمق و أنا لسه مجروح
لازم أدير بالي القرش بيلحق ريحة الدم
زي ما قانون الضرايب بيلحق ريحة الهم
بالليل مخلوقات هلامية بتضوي قناديل
نادي ليلي ونجم البحر بروح فيك مواويل
قلتلهم إني بعزف إيقاع قالولي يلا فوت
بس إستحيت لما سلموا الطبلة للأخطبوت
وعفكرة السردين جماعة مرتبين وزوء
هاي الزناخة تعلموها منا لما طلعوا عنا فوق
ذكر فرس البحر بطنه منفوخ ماله
حامل بالشهر التاسع عنجد بيستحيش ع حاله
بس برضو ماله على الأقل فاهم المساواة
لو أعرف خطيبتك عليه بدقيقة بتنساك
حتموت فوق وإنت بتطالب بحقوق و حرية
هون وضعي تحت الريح وصاحبت حورية
**

على اليابسة و الوضع ضاق و العمل الشاق
باعونا مين ؟ باعونا الأشقاء
خسرنا مين ؟ خسرنا الأصدقاء
و انحجبت الآفاق فرع المداخل في الأعماق

**

إنساك من الهمور ولقس وإلي بتشوفه بالسوق
هون حتى الحيوان البرمائي بيعتبروا مدسوس
بخافوا يكون تأثر بأسلوب النوع تاعنا
السمك الصغير قلي كلب البحر كلب لأنه باعنا
هون ثروة ومرجان يامان وبوزعوا الفايض
في صلة رحم بباركوا للي بايض
ماحدش فيك بغلط كل أخبارنا وصلت
سلطعون على الشط بفلت برجع معاه الجرايد
شبكة معلومات و منتديات للثديات
بتعيش هون أحلى حياة رخاء سفنج و قشريات
بتلم كل أوساخ البحر بكل أمانه
ولو العاصمة بتستاهل كنت شغلتهم بالأمانة
تحت الكل مزلط بس ما في حدى فاجر
"الكبير كبير" و الحوت مش تاجر
الكل بينسى بسرعة بس مش لأنه مش سائل
لأنه مش حقود عايش على قروض و متجاهل
سمك أبو سيف بقوم بواجب الضيف
والدلفين أذكى حيوان سميه أبو العريف
إذا بتسأله بدلك أو بقولك إنو بيعرفش
مش زينا منتوه الوافدين بفصل الصيف
بدي أنوه على نوعي و أعمم أعمم
إذا برجع بطلع فوق دمي رح يتسمم
لأنه تعالينا على سنة الكون وضع مش طبيعي
تع شوف بالقاع قوم لوط صاروا غاز طبيعي
طمع جشع فجع توسع ما قنع
جاع ما باع إنصاع تمرد إنمنع
وصلنا حالنا لهذا الوضع بإيدينا
فيا مننعدل يا بينقلب البحر علينا !