We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Nas Min Khashab | ن​ا​س من خ​ش​ب

by El Far3i | الفرعي

/
1.
انت مرتاحة ، ولا كيف ، ولا مش أكيد حرقتي أعصابي ع البكير ، ع البكير طب أنا مش متأكد إني رح ألاقي مثلك عن قريب أو بعيد لو انتي مرتاحة قوليلي ، قوليلي مع كل الأحوال رح نلاقي بديل ومع كل الأحوال رح نلاقي سبيل انا و انت عبرنا نص البحر , لو هاج رح أهديه انا و انت حسمنا كل الامر , وأوقات يا منسجم يا بكون الوقت فات حرقتي أعصابي ع البكير ، ع البكير طب انا مش متردد بس عم بوصل معاكي لليقين ما تقلقيش لو انت مرتاحة قوليلي ، قوليلي مع كل الأحوال رح نلاقي بديل ومع كل الأحوال رح نلاقي سبيل حرقتي أعصابي ع البكير ، ع البكير طب أنا مش متأكد إني رح ألاقي مثلك عن قريب أو بعيد
2.
كلما تشكي يناديكي سؤال مبطن ومدفون بخاف أجاوب ينفيكي انا أملي بعاديني لغتي بتنبش الكنوز طلّعوني عن ديني حطوا سياج طويل على الحاجز ضل القلب ناقز لما تصفى القلوب حييفضل مين فينا لما تصفى القلوب حيفضل مين فينا رح يفضل مين فينا خلص أنا زهقتيني صنمك على ربعي يمون وانا السورة بتشفيني وجهة نظرك اعفيني نفسه كله ابعيد و بدور وانا همي ألاقيني مروا سنين صعاب على الحاجز اليوم العقل جاهز لما تصفى القلوب حييفضل مين فينا لما تصفى القلوب حيفضل مين فينا رح يفضل مين فينا لما تصفى القلوب رح يفضل مين فينا كثروا والله الذنوب رح يفضل مين فينا سمكن لازم نتوب رح يفضل مين فينا
3.
بعطيكي قلبي الثاني الأول راح بعيد ولا تآخذني لو روحتي عند حدى ثاني رح ألاقي و أرتاح قلبك عم بقول لمخّك :"خلص سيبك عجقتني" كل ما ألقيلك بنت حلال بلقيك على التانية سبقتني صحنك قدامك على الطاولة! ليش منه بتاكلشي؟! و لما تفوت على البوفيه بتصير بدك تاكل من كلشي! قلبك بكرة على السكراب خلص بيعه حديد وروح على مستشفى الجامعة يزرعولك قلب جديد بس مش و إنت بالطريق تلتهي ببنات سنة أولى! خلص! إعقل ! أقعد! مش إلك هدولا! في وحدة حطّمتك و إنت صغير بس إنت مش متذكّر فلما تيجي أغنية رومانسية بتعرفش بمين تفكّر الحب مش إشي بينصنع "الطيور على أشكالها تقع" Google earth مش ملاقي أميرة أحلامك أين تقع!! الموضوع على الوجع "صدّق أو لا تصدّق" إستراحة من الراب السياسي عشان أطلّعك من المأزق صفّيت النية لعيون جيل كامل ضحية لحملة إعلامية بتكرّهك بالبنت المستحية و بتعلّمك تكون كذّاب عشان تصير جذّاب و الوصفة بتزبط مع الشباب و هاد لعدة أسباب واحد منها : إنه إذا إلك على هذا النوع من السواليف حتلاقي من الجنس اللطيف النوع إلي بحب الألعاب بعطيكي قلبي الثاني الأول راح بعيد ولا تآخذني لو روحتي عند حدى ثاني رح ألاقي و أرتاح بديّاكي بدّياكي بس مش للأبد طلعة وحدة عشر طلعات بس بلكي ما زبط! بتبكي عشنّه حكاها و هو متفتف تخيّل لو "قيس و ليلي" كانوا friend with benefits "يلي ظلمتوا الحب و قلتوا عليه" من الستّينات لهلّأ 100 "مش عارف إيه"! "شاعر الألف أغنية" آخر ما كتب كان "من غير ليه" إلي فيكم فهم "الأوفّيه" رجاء يرفع إيديه هاي مجرد إحصائية عشان نعرف مين تقليدي و مين فيكم بصاحب مرة بالشهر وبدا بتمهيدي رح تزهق يا صديقي بالأخير من الحكاية و تتزوج وحدة ما بتحبهاش بس تمشاية لحية و حفاية و ردة فعل على الكآبة لن تعدل بتعدّد الزوجات زي الصحابة لإنك مش صادق مع نفسك زي الصحافة ! رح تنصح زي الطّابة بعد ما تكون نشرت الآفة و تشعر بالسخافة مع نهاية هاي الأغنية و لو إنه أخوك هون مش مية بالمية بس نصيحتي: البنت إلي جنبك بالوضع الروتيني هي إلي بتستحق تقول لها : "مشان الله تزوّجيني!" بعطيكي قلبي الثاني الأول راح بعيد ولا تآخذني لو روحتي عند حدى ثاني رح ألاقي و أرتاح
4.
يا عرب لا ولا اشي خلص احنا اخوة وجيران وأهل لكن ما ضل عندي الكم ولا طلب مختلفين اذا شعبي انذبح ولا شبّهوه عليه ما حد فيكم بيقدر ينكر انه انصلب و الدور رح تحاسبني و تعاتبني لإني مش ساكن فيها و السور رح يكشفني و يسائلني عن الي ضايل فينا لو صرخنا بيكفيش لو رضينا أنا برضاهاش إنصفني لو نويت بتمحيش ملامحنا بتنتساش أوصفني اوصفني زي ما بدك خلي التشكيك يهدك خطابي لمين موجه صوت التصفيق لعندك كوشان الأرض معانا دوران الأرض معانا مش هتك العرض مجاناً مش ناسي ثاري منك بينا التوحّش و الزمن عشان شوسويتوا في عدن ما منخلق طاقة من العدم منخطفلك طاقم الطيارة مننزل غزوة ع الخون هذا الحزن زائف صاير بس بناكف مافي منا عالم فهمني كيف علّامة هذا رضىاكم ولا سكوت منتخربط بالعلامة دنيكم تحت الغترة مع انه عندكم قدرة مالكم حيلة باطل انتم اشد كفرا حبيب الشعب فاسد ست الحسن savage فش سلطة فش برنامج دمنا ما بصير مي بس بضله سائل بتلومني عائل شعبي بقرشة ما بخاطر ها هات التوقيع يمسّل مكانكم هون مش طاهر بعد الوضو بغسّل الليل لن ينجلي بعد الضهر بكسّل يلا نمسك بالأيادي يالله سوا نكذّب مين فينا أولى بيثرب؟ منكسر قرار الضم بالفتوحات مين فينا بيعرف يعرب؟ و الدور رح تحاسبني وتعاتبني لإني مش ساكن فيها و السور رح يكشفني و يسائلني عن الي ضايل فينا لو صرخنا بيكفيش لو رضينا أنا برضاهاش إنصفني لو نويت بتمحيش ملامحنا بتنتساش أوصفني يا عرب لا ولا اشي خلص احنا اخوة وجيران وأهل لكن ما ضل عندي الكم ولا طلب لو صرخنا بيكفيش لو رضينا أنا برضاهاش إنصفني لو نويت بتمحيش ملامحنا بتنتساش أوصفني
5.
ابتداء من اليوم مش مسموح تروحي ولا شوي رح اضلني هون مش متزحزح ولا شوي , عنك انت مش عم بطيق بعدك الرجعة علي والي فات فات وعدى خلص , كلشي صار مفهوم اسمك على السبع جبال انحفر يا قلبي ارتاحت الجفون و انا حبي ليكي زي مدينة الملاهي اذا ما منتمسّك حنطير منضلنا نتمرجح ما تزعلي منمزح انا حبي ليكي كبير من اليوم رح اخفف من كل شي شوي , إلا انت ويا دوب , ويا دوب, ويا دوب سهيتي عني شوي وفطنتي مش رح أضيع وحدي عينيكي الضي والي فات فات وعدى خلص كلشي صار مفهوم اسمك على السبع جبال انرسم يا قلبي ابتسمت الغيوم و انا حبي ليكي زي مدينة الملاهي اذا ما منتمسّك حنطير منضلنا نتمرجح ما تزعلي منمزح انا حبي ليكي كبير والي فات فات وعدى خلص كلشي صار مفهوم اسمك على السبع جبال انرسم يا قلبي ابتسمت الغيوم و انا حبي ليكي زي مدينة الملاهي اذا ما منتمسّك حنطير منضلنا نتمرجح ما تزعلي منمزح انا حبي ليكي كبير
6.
يا رب كل شيء يا رب يا ربي العالي ثلاث ارباع الناس بتفهمنيش انا بفهماش بتقبل الاختلاف بس خايف يوم انفجر ثلاث ارباع الناس بتسمعليش انا بسمعهاش نجحوا لما فرقونا منيح صار بيجمعنا القهر ثلاث ارباع الناس بتعرفنيش فأنا بزعلهاش خايف يجي يوم خايف يجي يوم لو كل الناس بدها ترضى حتخسر كلشي فيك فكر انت منيح بالوضع الي احنا فيه يا رب لو بيستنوا فينا. نشرح الي منحكيه رح يطلع منه جديد صبراً صلوا ع الحبيب يو عم بحاول افهم ليش بتعيدوا إيش بالزبط بتستفيدوا موقف أيدولوجي فاهم عم بحاول استسيغوا ليكه جه فرعك رابط سوريا بالافريقه إيماناً مني بفكر ثوري لسا عم بصيغه مش فاهم صاحبي بس فاهم حجم المصيبه الدنيا صعبة سيبه يفكّر بنصيبه من الضريبه لغاية الآن احنا بس تمهيد لاحظوا انه كلشي بوقته مفيد بكتب عشان الحكي بكفيش مافيش ولا سطر مبالغ فيه حد يفهم أهلي الخطة بتزعل ناسي بعضك بتنزل عندي بعزك بتسأل رأيي بهزك بتسأل جد وبهزّر فكّر برة الصندوق اذا لسه ناوي تحكي اكثر فكّر كيف الصندوق من جواه عم بيتأثر ثلاث ارباع الناس بتسألنيش انا بسألهاش يمكن بيستحوا مني لاني محروم من شوف البحر لو كل الناس بدها ترضى حتخسر كلشي فيك فكر انت منيح بالوضع الي احنا فيه يا رب لو بيستنوا فينا نشرح الي منحكيه رح يطلع منه جديد صبراً صلوا ع الحبيب يو يا رب كل شيء يا رب يا ربي العالي
7.
بعيونك الوساع لقيت أنا قدري قلي دنيتك هون فبشوفها بنظرك لا تخافي حلفت أنا بعمري إذا إنه ظايل نتفة جروح تضيع ضياع أبدي يا ماسكة بيدي كيف أنكر فضلك ما يهون عليِّ ترضي كل الناس و تغيبي يا قمري لو كان علي لجيبلك كل الكون يلف فيه قمرك أرجوكي ما يبعدك غضبي بتزيدي عندي غلا لما بتكرمي الغير لا تنسي عن نفسك سامحيني إذا صحي على صوتي ملاك كان غفي على كتفك لإنك بتحسي بألم الناس بيجلدني زعلك زعلك انت لا يا ماسكة بيدي كيف أنكر فضلك يا حاملة همي يا ندي وسندي ا يهون عليِّ ترضي كل الناس و تغيبي يا قمري لو كان علي لجيبلك كل الكون يلف فيه قمرك ا يهون عليِّ ترضي كل الناس و تغيبي يا قمري لو كان علي لجيبلك كل الكون يلف فيه قمرك
8.
خايف شغلتنا تصير نعد تنازلات وأنا عارف ما بتيجيش بلاها سكتت شوارعنا يدوب سكتت البيوت مش عارف ليش بتحكيش معانا حلمك تركك على المكشوف وراح بعز الظهر على المكشوف وراح الثقة مهزوزة بهاي الدار ،منمثل بس لما بيجوا ضيوف والي بدري بدري ، نمشي و لا نجري أو نمثل المكشوف على المكشوف دمعك الي يسري طريقه لا ما يدراه رح ينشف على الكمامة و يروح رح ينشف على الكمامة ويروح شو خلّى فيك الموج العاتي ، يلي كنت تقول لا تحكي خايف قصتنا تضيع بين الهموم الهموم الهموم الهموم شو سوّى فينا لحني الهادي ،صرنا ممنوع نحكي خايف قصتنا تضيع بين الهموم الهموم الهموم الهموم الهموم الهموم الهموم خايف شغلتنا تصير تحليل معادلات منحل وما بتجيش معنا كنه حلمك تركك على المكشوف وراح جاحد بالنعمة وعنا كنوز محتاجك تع غرقنا فيها حلمك تركك على المكشوف وراح بعز الظهر علي المكشوف وراح الثقة مهزوزة بهاي بالدار ، منمثل لما بيجوا الضيوف والي بدري بدري ، نمشي و لا نجري أو نمثل المكشوف على المكشوف دمعك الي يسري طريقه لا ما يدراه رح ينشف ع الكمامة و يروح ، رح ينشف على الكمامة ويروح شو خلّى فيك الموج العاتي ، يلي كنت تقول ما تحكي خايف قصتنا تضيع بين الهموم الهموم الهموم الهموم شو سوّى فينا لحني الهادي ،صرنا ممنوع نحكي خايف قصتنا تضيع بين الهموم الهموم الهموم الهموم الهموم الهموم الهموم حلمك تركك على المكشوف و راح بعز الظهر علي المكشوف و راح الثقة مهزوزة بهاي بالدار ،منمثل لما بيجوا الضيوف والي بدري بدري ، نمشي ولا نجري أو نمثل علىالمكشوف على المكشوف أو نمثل إحنا على المكشوف شو خلا فيك الموج العاتي ، يلي كنت تقول ما تحكي خايف قصتنا تضيع بين الهموم الهموم آه الهموم
9.
ما بعرف اغني كلام مغسول بينعاد للناس كل يوم كلام ما بيعنيني أنا زيك زهقان ملّيت إحباط و يا ريت تقول كلمة الي تشفيني بعرفش أغني الا و أنا مهدود الحيل مكيود وكثير محموق أرجوك لا تعبّيني لما يخلصوا كل المجانين و الشعراء مفاصيم و يناموا السكرانين ساعتها تلاقيني طلعنا من ثغرة و يمكن نملا الكون عنجد أنا بلا صغرة شو جابرني أجاملك هون ما عرفت أغني الا لما احبابنا طلّوا . زيي زي الضيف ..لكن الضيف ما ذلّوه! نرجع نفهم بعض نشفى و نقوم عنجد أنا بلا صغرة شو جابرني أجامل هون يا عيني يا ليلي يا ليل ياه
10.
واقف بين طيات المستحيل وعدتك يا أمي راسي ما يميل وين ما تاخذنا الدنيا كوني بخير بطلنا نتكبر على الزمن عم مندفعه غالي اليوم الثمن واقف بين طبقات الإنهزام وعدت يابا افكر باتّزان ربي يديمك على راسنا من فوق قولتلي عنه لهذا اليوم عم مندفعه غالي اليوم الثمن على الله تعود بسمتنا والوطن نمشيله عادي نصحى ونمشيها على الله تعود بسمتنا والأفراح يمكن غلط فينا نسأل إذا بيعنينا على الله انا وصحابي وكل الزعلانين بطلنا نوقف ونرجع بالسنين ما مننسى نصنا مسجونين ضايل علينا تشيل الحمل ما بيكفي نظل نربي الأمل والأمل يصيح اتركوني سيبوني احلم اتركوني اقول على الله تعود بسمتنا والوطن نمشيله عادي نصحى ونمشيها على الله تعود بسمتنا والأفراح يمكن غلط فينا نسأل إذا بيعنينا على الله
11.
يا ناسي يا كرامُ .. ليس بِكُمُ ثَمّةَ ثقةٌ بما نبتكرُ أجلسُ على الأريكةِ وأرتجلُ وعلى مفترقاتِ الطرقِ ستواجهونَ قسوةَ الكلمِ يا قوماً أشقياءَ ستقشعرُ أبدانكُمُ وترتجفُ إني فرعكُمُ في الشتاتِ ومن داخلِ الديارِ صرختي تبحثُ بالسبلِ أخشى فتنةً مستحدثةً تضرِبُنا من جديدٍ فننقسمُ ومع اختلافِ الآراءِ مرةً أخرى نفترقُ يا قوماً أشقياءَ فرعك لما رجع قالوا مستحيلة ما عمره غاب علينا أصلا نوعه بيختفيش أهل الملامة مالهم عنجد بيستحيش تظلكش تسألني عنهم رح نسوي المستحيل متربي على الجسر بحب السفر صعب سوي الي بتحبه خلص لا تسويه بالغصب ناس من خشب اشي نشف و لسه في جواته اشي عايش تعرف كيف يعني فيه عصب يا ناسي يا كرام مع كامل الاحترام ما كنتش رح أغني لولا استشهد حسام اسمعني بالتكاسي الآن اسمعني دون تقاعس اليوم كله أوبر اطلبني كبسة حاضر احضرني on demand ، احضرني I’m the man متابع أثري فيك بالواقع انا ال fan مفكر اترك لندن و أطلع أغزو كالي .. لإني زي عمان بحب الكل و بكره حالي .. انا جاي اغير كلشي ما بدي اترك طبعة عجايب الدنيا سبعة بدون محبوب و نبعة فرعك مافي مانع مسافر زي السابع عايش في المستقبل انا الدوار التاسع منهرب معنا بهجة جايب معي ضجة بسمعونا بأم الدنيا بدون ما نغير لهجة مهما كبرت صغير حاسس حالي عمرو مشغول بطلت أمر كثير بس لسه بمرق منكبر دمنا بثقل منصغر هذا أهبل حاسس حالي مانيفستو رابر المستقبل ليش هيك بعاملونا هذولا .. كل ثلاثة على صينية صغار مالهمش كولا قولي هذا ظلم ولا شو قولك؟ دولا دولا دولا باخذوا أوامر أمن الدولة هم نفسهم عبُاد الدولار . dollar dollar bill لا حول ولا حوله

credits

released February 25, 2022

كلمات , تأليف وأداء : الفرعي
إنتاج موسيقي : عرب درمز
تم التسجيل في سوب ستوديوز - لندن
مهندس التسجيل : سايمون تروت
هندسة ميكس وماستر وإنتاج إضافي :
ديف سكوت - ذا ميكس روم - هيو ستوديوز
شركة الإنتاج : الخلود للإنتاج الفني
تصميم الغلاف : سامر صائم الدهر

Written & Performed by El Far3i
Music Production : @ArabDrumz
Recorded at Soup Studios London
Recording Engineer: Simon Trought
Mixing, Mastering and Additional Production:
Dave Scott - The Mix Room - Hue Studios
Record Label : Immortal Entertainment
Artwork and Design : Samer Saem Eldahr

license

all rights reserved

tags

about

El Far3i | الفرعي Amman, Jordan

With multi-fold projects in his music archive, El Far3i is a Palestinian and Jordanian songwriter, rapper, drummer, and producer from Amman, Jordan. Known for his dichotomous solo act El Far3i/ Far3 El Madakhil, he enmeshes Arab acoustic folk and hip-hop and continues to experiment sonically, evolving into the more recent forked axis, El Far3i Flux. ... more

contact / help

Contact El Far3i | الفرعي

Streaming and
Download help

Redeem code

Report this album or account

If you like El Far3i | الفرعي, you may also like: