/

lyrics

حاجز أمني قمعي حجب على أفكاري
عملوا مني مصاري لإني عم بدوّر عداري
مكنتش منتبه إنه إصراري إله هدف تجاري
فبالتالي مؤيد معارض صار سؤال استنكاري
بدكم وضوح أكتر.. بقدر أعبر عن شعب أجبر على دخول مرحلة أخطر
مراحل فواصل.. حال متواصل.. أبشر
حلل نظّر.. طفل بدرعا متفزر
مرمي بالشارع وإحزر مين الممول ؟
كل ما تتنوع الأجوبة اعرفوا إنه وضعنا مطول
هلأ بدكم تعرفوا مني أنا بالزبط مع مين
الغريب إنكم خايفين من الاحتلال وإحنا مُحّتلين
العجيب بعواصم الغرب إنهم بربيعنا متسليين
عنا إبصر شيوخ السلاطين شو بقولوا للمصليين
ناشف.. ناشف
وكل ما حدا بيستفسر بنجاوب من قفا الإيد ملاحظ وعارف
بس ما بقبلها من اللي وصلني لهيك فما استنيت
لو إني استنيت.. تمالكت أعصابي وما دخلتنا فالحيط
ناشف
قلّي شعبك ناشف.. قلتله ناشف كيف
قلّي شعبك ناشف.. قلتله إحنا هيك
وما استنيت.. لو إني استنيت تمالكت أعصابي وما دخلتنا فالحيط
ناشف
مش ضروري تقوم تصيّح.. مش ضروري تقوم تصِيح
مش ضروري تيجي تفجّر... مش ضروري تهد البيت
ولو إنك مش جاي تغيّرني.. لو إنك تنزل عندي فالبيت
أشياء كتير بتضحكني.. الباقي هيو حوليك
فلا يروح مخك لبعيد.. هذا اللي على وجه الشعب مجرد تجاعيد
الشعب العربي قرر يلفظ كلمة حرية
أسرة بالأردن انقسمت نصين على سوريا
الصراع فكري فشككونا بثورة تونس.. وقالوا عن الجزائر والمغرب إنها بلاد بتقومش
باليمن أمريكا لقت للشباب حل بديل
في البحرين إزا كنت من الأغلبية بقولوا عنك دخيل
قانون جديد في الكويت عشان يقعدوك في البيت
لما قالوا ليبيا صارت زي العراق انجنيت
قمت حكيت بس فلسطين ما كانتش على البال
بتمنى أي عربي ماشي بالإمارات يتذكر الصومال
بلبنان الناس تعبت من الآراء المتفارقة
الانقسام بالسودان خسرنا إخواننا الأفارقة
أسر ضحايا الجفاف بجيبوتي ظروفهم حارقة
والسعودية لو أرادت بتكون قوة خارقة
خجلان أقول لأي حدا في مصر يتحلى بالصبر
من عُمان لموريتانيا.. القهر لجزر القمر
وطني حبيبي الوطن الأكبر.. كل ما أشوفك على التلفزيون عيني بتحمر
بتمني قطر تبعتلي قطرة على شان أتقطر
لإنه كف الإنجليز لساته على وجهي مسطر
فبدي أبطل أحكي بالعقل والجنون.. العظمة النغمة العامة مؤامرت وظنون
عربي أصلي عاى التلفزيون بصورة عشوائية.. لأ عربي هون فنون أدائية
لإنه هاد مايكروفون على شكل بندقية
كيف انقلبت الطاقية بس بصورة بدائية
ماذا نحن بفاعلين في المراحل القادمين.. هل نحن بمستعدين لإقناع المترددين
سياسة دين.. خلافة مين.. إزالة رجيم
أتى بإنقلاب ليحكم من سنين
كنت مع ضد حليف ند
أكمن سنة لقدام الرؤية اللي في بالك بتمد
إزا ما في خطة عربية قولوا عشان نعرف وين الغلط
وزي ما انت سامع اللسان العربي لسة ما فرط
وعلى فرض إنا استعدنا بعض من التواصل
من خلال شبكات التنازل عن التساؤل
الخطوط الحمر.. الوجوه الصفر
الهنود الحمر بفلسطين حملوهم رايات خضر
رؤية زوال الاحتلال محاربين سمر
جايين من قارات سامعة مية مرة نفس العذر
مرحلة الطغاة اتبدلت بعمال مياومة.. بس المرحلة القادمة عولمة المقاومة
ولو إنك مش جاي تغيرني.. لو إنك تنزل عندي في البيت
أشياء كتير بتضحكني.. الباقي هيو حوليك
فلا يروح مخك لبعيد.. هذا اللي على وجه الشعب مجرد تجاعيد
ناشف

credits

from El Rajol El Khashabi | الرجل الخشبي, released March 21, 2017
الرجل الخشبي ( 2017 )
تأليف و أداء - الفرعي
تنسيق الإنتاج – محمّد خرّوشة
إنتاج الفرعي لصالح - الخلود للإنتاج و التوزيع الفني
مهندس التسجيل - سايمون تروت و جيلز باريت , ستوديو سوب , لندن , المملكة المتحدة
مهندس الإنتاج - ديفيد سكوت , عمّان , الأردن
مهندس الإتقان - روبين شميدت , ألمانيا
التصميم الجرافيكي – سامر صائم الدهر

El Rajol El Khashabi (2017)
Writer & Performer - El Far3i
Production Coordination - Mohammed Khrousheh
Produced by El Far3i For - Immortal Entertainment, Amman Jordan
Recorded By - Simon Trought & Giles Barrett at Soup Studio, London, UK
Mixed by - Dave Scott, The Mix Room, Amman, Jordan
Mastered by - Robin Schmidt, 24-96 Mastering, Germany
Art Work - Samer Saem ElDahr

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code