08- Estishraq Dakhily | استشراق داخلي

from by El Far3i | الفرعي

/

lyrics

شوف.. صحيت لحالي كسّرت كل منبهاتي
أخدت دوش علشان أعرف أفوت بحياتي
ضغطت زر الثقة بالنفس.. زبطت شعراتي
هادا كله بس عشان أعرف أوصل وأقلكم الآتي
مش رح نضلنا تحت.. رح نطلع لفوق ونعلى
رح ندحش إيدنا بالمستقبل.. نتناول عيشة أحلى
ما تنسوا إنه دم الشهيد زي النبيذ.. لما بتمر الأيام و السنين بيتعتق وبضله يغلى
فبوجه الحزين اللي فينا.. نخلي الغيوم تراضينا
نعلي العيوب اللي فينا... نقلل الديون اللي علينا
نتكاتف.. نتكاثف.. تختفي الطيارات لما تخش فينا
نطلع مشاعرنا على الهوا زي أبو مينا
القامع والمقموع.. ممانع الممنوع.. فكر انهزامي يُموَّل ويصبح مزروع
بس الجيل الثالث في الداخل بدأ بالرجوع
ما صحيتش اليوم عالفاضي ..قال شرعن المشروع!
فرع المداخل كنت عطشان لقيت ينبوع
لا مستني موافقتكم ولا المرئي والمسموع
أنا مش عم ببيع تطبيع.. ضروري تصير تميّز
ركّز يا كويس البحر كويس يا ريس
تفيّز ما تفيّز مش هذا هو السؤال
بحلق بالتصريح.. هذا الاحتلال
أنا ابن لاجئ على السكيت حب يشوف البيت
فاتمسكت بطبون سرفيس الجسر على شارع الاستقلال
هاي الأغنية للكل.. أغنية زي الفل
مش ردة فعل.. ولا انفعال.. ولا فشة غل
خلوا كل واحد يقاوم بطريقته.. لإنه الاحتلال بكل الأحوال واقف بطريقه
وشوفني
استشراق داخلي.. واستغراب من الجميع
استشراق و إراقة الدم.. كان في العراق الدم
كان نفسي أكتب تدفق ما فيه ملام.. كل ما ألحن أغنيه بتطلع على نفس المقام
إحنا شعب مهزوز.. شعب مُستفز.. فاتحمسنا على الربيع زي دودة القز
تتعدد الطرق بتعدد المسالك.. ليش دايمًا بدكم الأكثر عمومًا من ذلك
أنوار التفاؤل ميّلت قلتلها كيف حالك؟ مين اللي قلك إني لقيت لنفسي طريقٌ سالك
هاي الموسيقى تحصرهاش بسميات نصيحتي..
الإيقاع طير مهاجر أخد استراحة بحديقتي
مش رح أحصر العمر بعدد الدقات.. اللحن ثورة على الذات إزا صار إلي شبيحتي
ألوان كثيرة ومخلوطة.. لأي لون بتميل
أي إشي بتحاول تروجه رح أعمل منه بديل
سميها موسيقى بديلة.. مواقف نبيلة
الهوس بالآخر.. التعصب للقبيلة
أنا عم بحاول أبالغ بس بتضلها قليلة.. بر الأمان خشبة مكتوب عليها بأية وسيلة
برا عمان طلع الجمهور حافظ التفعيلة.. فعم ننتشر على كل الأقطار زي الأرجيلة
أخوك الفرعي الإشي العربي اللي عم بتحس فيه من فترة
بكره الصورة النمطية وبكره هاي النظرة
في بنت بين الجمهور زاكية وعينيها حور.. لازم تعرف إنها منسجمة لإنها حاملة بقلبها جمرة
قال كيف كانت بيروت.. شايفني طالع سهرة
أنا مش سائح سجّان.. أنا واحد من الأسرى
أنا من آل عمران فأختي بتكون العذراء
بتضل الأرض هاي كلها إلي لو بقسموها مية مرة
شوفني
استشراق داخلي.. واستغراب من الجميع
استشراق و إراقة الدم.. كان في العراق الدم

credits

from El Rajol El Khashabi | الرجل الخشبي, released March 21, 2017
الرجل الخشبي ( 2017 )
تأليف و أداء - الفرعي
تنسيق الإنتاج – محمّد خرّوشة
إنتاج الفرعي لصالح - الخلود للإنتاج و التوزيع الفني
مهندس التسجيل - سايمون تروت و جيلز باريت , ستوديو سوب , لندن , المملكة المتحدة
مهندس الإنتاج - ديفيد سكوت , عمّان , الأردن
مهندس الإتقان - روبين شميدت , ألمانيا
التصميم الجرافيكي – سامر صائم الدهر

El Rajol El Khashabi (2017)
Writer & Performer - El Far3i
Production Coordination - Mohammed Khrousheh
Produced by El Far3i For - Immortal Entertainment, Amman Jordan
Recorded By - Simon Trought & Giles Barrett at Soup Studio, London, UK
Mixed by - Dave Scott, The Mix Room, Amman, Jordan
Mastered by - Robin Schmidt, 24-96 Mastering, Germany
Art Work - Samer Saem ElDahr

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code