/

lyrics

بدنا حل لإنه الجهل بذل يا صاحبي.. صواريخ معونات على الجميع وللكل يا صاحبي
شو بدهم يعطونا أكثر من هيك يا صاحبي..
شو هو الواحد.. شو هو الصفر..
شو هو اللي بيناتهم.. شو هو السايفر.. شو هو الذكر
شو ماله الراب.. شو هو الشعر..
ليش كل شي بتسمحوا لحالكم تفتوا بأمره وهو ما انذكر
شو هو الي بتقولوا عليه أوكى.. شو هو المقبول.. وشو هو الإيتيكيت
هاد وقفه وهاد مشيه.. شو هو الشريط والي بييجي بكيت
شو هو اللي جارحني.. ع ايش بكيت.. يا صاحبي
بصراحة أنا دمعتي قريبة.. والجمعة غريبة.. بس شباب نضيفة
أيام بتوسّخ بيجي أبو ليفة.. ضميري حبيبي شو جابك لهون..
مفروض إنت نايم وبكرة دوام.. شغّال بارت تايم على عيني
عيب تيجي علي في الليل هيك.. تيجي علي فموديل غير
شو هو الثنائي في الجدل.. مش هو اللي في جيناتي بالحبل
سألني ساعاتي عن مجمع لغات بين سيكوند و ثانية أو ترجمة ثانية هذا ملفت للنظر
أموت في المسألة وأحلها.. صعبولي حياتي سهلها
و الشباب هون بتمل.. بدنا نتساهل بفكروا يفلوا
قلتلهم الخشب الكرسي والعشب
قلتلهم الحرقة اللي فقلبي والورق
وايش كمان.. المحصول والغضب تحريف بالكتب وضل السؤال السؤال
لو ضل بالسهرة مجال أنا كان قلتلك
بدنا حل لإنه الجهل بذل يا صاحبي.. صواريخ معونات عالجميع وللكل يا صاحبي
شو بدهم يعطونا أكتر من هيك يا صاحبي
فللشباب اللي طلبت تدفق المخطط إنتوا على عيني يا وطن
وحياتك ما كنتش بحاول أتنبأ المخطط إجى وانطبع ولزق
الموضوع مش بإيمتى بهذه اللحظة لازم نعرف شو هو المرجع
نرجع نطلع على المنصة.. بدناش تخدير ولا دوا للغصة
بدنا وضوح وليتراسي.. حكيتها أو جبتها من مدرسة
فرضها مستعمر.. رجعتها مستعمل وهيك بتنتقل المعرفة
بدنا عالم اللغة يتواصل معانا ويدلنا على المراجع
بدون ما حدا من مكتب الخفافيش ييجي عليه ويراجعه
بدناش خشب يستهلك شجرنا عشان يعطينا طاقة
بدناش نعطي الكرسي الخشب للي شايفنا شقفة بطاقة
كل من عليها فان.. كل شي هون فاني
بسافر كلش فانز.. بس اللي بهمني أكثر من إني أوصل هو إني أفهم الفرق بين اللي كان واللي بصير الآن
شو بعرفك إذا نقطة المطر ما بدت.. غاز متبخر من نشارة خشب
بتنحرق بدكان أو مشغل إنضرب
قذيفة وشريط الأخبار وانت صافن فيه بيتطلع فيك بقلك الآن
ليش فطرتي وغريزتي بتعارضوا مع كل شي بقولوا عليه
شو هي الاستقامة والحنيفية اللي بقولوا عليها
شو هو الواحد.. شو هو الصفر.. إزا الكون ثنائي
شو هو الجدل.. شو هو التطور في التشريع
شو هو التغيير.. شو هو المرجع
شكله كله زي الدور قاعد عم بنحرق الآن..
معناته الكراسي في مجلس الشعب مفردات المعاني في الورق والكتب أقلام
ومسارح والخطبة والطرب.. جيتاري الياباني الي بيمتص مني الغضب
كله رايح ما بضاين هش خفيف.. خشب .. خاطئ صحيح
صادق شو بتعرف عن الفرق
بدنا حل لإنه الجهل بذل يا صاحبي.. صواريخ معونات على الجميع وللكل يا صاحبي
شو بدهم يعطونا أكتر من هيك يا صاحبي

credits

from El Rajol El Khashabi | الرجل الخشبي, released March 21, 2017
الرجل الخشبي ( 2017 )
تأليف و أداء - الفرعي
تنسيق الإنتاج – محمّد خرّوشة
إنتاج الفرعي لصالح - الخلود للإنتاج و التوزيع الفني
مهندس التسجيل - سايمون تروت و جيلز باريت , ستوديو سوب , لندن , المملكة المتحدة
مهندس الإنتاج - ديفيد سكوت , عمّان , الأردن
مهندس الإتقان - روبين شميدت , ألمانيا
التصميم الجرافيكي – سامر صائم الدهر

El Rajol El Khashabi (2017)
Writer & Performer - El Far3i
Production Coordination - Mohammed Khrousheh
Produced by El Far3i For - Immortal Entertainment, Amman Jordan
Recorded By - Simon Trought & Giles Barrett at Soup Studio, London, UK
Mixed by - Dave Scott, The Mix Room, Amman, Jordan
Mastered by - Robin Schmidt, 24-96 Mastering, Germany
Art Work - Samer Saem ElDahr

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code