We’ve updated our Terms of Use to reflect our new entity name and address. You can review the changes here.
We’ve updated our Terms of Use. You can review the changes here.

Ihtiwaa | ا​ح​ت​و​ا​ء

from Kaman Dafsheh | ك​م​ا​ن د​ف​ش​ة by El Far3i & Damar

/

about

احتواء من ألبوم
#كمان_دفشة
أداء : الفرعي
موسيقى : دمار
إنتاج الخلود للإنتاج الفني

Ihtiwaa from #Kaman_Dafhseh Album
Performed By El Far3i
Music Production : Damar
Guest Musician : soundcloud.com/zthepeople
Mixed By: Osama Abbas & Alex Merzin
Mastered By: Alex Merzin
Produced By Immortal Entertainment

lyrics

بترجّاكم ما حدّش يحاول يحتويني
يناول رسوماتي لحدى إلي يخدش تلاويني
إستقلالية كلماتي عشيقتي إلي بتواسيني
لا تشقلبونا و تعدمونا مع بعض: كلارا و موسوليني
وهاي لإلك إذا مفكّر إنّك بتتحكّم بكلماتي
إلي سمعته لسّا مقبّلات , خدلك صحن "كاليماري"!
و هاي لإلكم إذا مفكّرين إنّي بغنّي بمقر الحزب
كله كذب, كلامي الخصب بس لإلي بينتسب
أفكاري بتناقض نفسها , لإني مش مؤدلج عنيد
إنت مبرمج و الصراع كل ماله عم بياخد شكل جديد
كل ما تغفى بصحّيك, هذا القصد و الهدف
الفرعي النخبة (أ) سمّيني "بن العميد"
سمّعيني زغاريت كأنه إبنك شهيد
عم بطالبوا بحدود ال "67"..و هذا طلب زهيد
إحنا لهلأ مش عارفين إيش بالزبط بدنا
منضل نزاود على بعض , و كل واحد فينا موقّع هدنة!
فتنة! بالحيط فتنا فاتوا!..تفتفتنا
في لحظات حاسمة في التاريخ..كيف ما التفتنا؟!
ما تنسوا إنه هم إلي رسموا فلسطين التّاريخية
فلما عم منطالب فيها الحنك عم بكون "مرخية"
حكيتها بالمؤنّث ..خايف تكبر و تعنّس
بدّي أضمن إذا أفكاري تكاثرت ما تتجنّس
و تنحسب على موقع جغرافي إقليمي
وتصير تقولّك "زي ما بدّك إقمعني..بس مشان الله طعميني.......
**
بترجاكم ما حدش يحاول يحتويني يحاول يحتويني
مش رح تقدر تحتويني لو بتحاول تحتويني
بترجاكم ما حدش يحاول يحتويني
بترجاكم ما حدش يحاول يحتويني يحاول يحتويني
مش رح تعرف تحتويني لو بتحاول تحتويني
بترجاكم ما حدش يحاول يحتويني
**

لتاريخنا النّضالي الإحترام..بس الصّلاحية خالصة
كل ما عم منشوط من نفس الزّاوية عم بتيجي بالعارضة
هلّأ فقدنا الحكمة و الشّجاعة..إستراتيجية فارطة
لو "إبن خلدون" عايش لقّلك خلّيك ب"حنضلة" و إنسى الخارطة
بس مشكلة الطّرح هاد انه إله كثير أبعاد
"هنري كيسينجر" كان عم بيستنّاني أكتب البيت هاد!
اليوم هات شركات , وللحكومة نسبة
شعبي على الضّفتين ناشف على أراضي خصبة
الفرق بين عمّان و رام الله بالثانية عيني عينك الكذبة
و بالأولى "البار" مش بالزّبط عند الحسبة
والشّبه إنه دائما في واحد بآمن بالمقاومة المسلّحة
و أخو بقولّه "وطّي صوتك" لأنه إله بال"مشروع" مصلحة
دائما في أختين وحدة "شرعي" و الثانية "مشلّحة"
تجويع..تطبيع..مين بالزّبط كلّحك؟!
أنشرها و إلك حسنات..مين خلاّك متخلّف؟!
قريتين جنب بعض..يابا أنا حاب أتعرّف
زي ما سمعت خرّف!..مخطّطات لعينة
شكرا! للي حبّوا "مدينة حديثة"..هاي مدينة حزينة
هذا من الحبوب نحيل..هاي من ال"جنك" بدينة
نسخة على "دوّار المنارة"..نسخة على "دوّار المدينة"
الإنقسام على الدّوري الأوربّي..صحيح! مين فاز بالله؟
الإتحاد الأوروبّي بعمّان..و "موفاز" برام الله
تحزّ بنفسي ثورة سوريا..يحزّ بنفسي "حزب الله"..
مين بدّه إياها "من النهر إالى البحر" ؟!..و مين إتّهموا إنّه تخلّى؟!

credits

from Kaman Dafsheh | ك​م​ا​ن د​ف​ش​ة, released September 19, 2014

license

all rights reserved

tags

about

El Far3i | الفرعي Amman, Jordan

With multi-fold projects in his music archive, El Far3i is a Palestinian and Jordanian songwriter, rapper, drummer, and producer from Amman, Jordan. Known for his dichotomous solo act El Far3i/ Far3 El Madakhil, he enmeshes Arab acoustic folk and hip-hop and continues to experiment sonically, evolving into the more recent forked axis, El Far3i Flux. ... more

contact / help

Contact El Far3i | الفرعي

Streaming and
Download help

Redeem code

Report this track or account

If you like El Far3i | الفرعي, you may also like: