/

lyrics

يا خيّال.. فليسقط الموّال
يا خيّال.. فهّمني لما قال.. الحكي عالهوا ما انسمح
ليللي ليللي ليللي ليل.. ليللي ليللي ليللي ليل..
ليللي ليللي ليللي ليلي.. ليللي ليللي ليللي ليل..
مش كل خيل من الخيول أصيل.. مش كل شقفة من الأرض بديل
مش كل شي بروح بعمليات تجميل.. مش كل شي مجاز ولا هاد تأويل
وطنية.. سريالية ديل.. مع هابي ميل..
كمان مية تعريف للدار للوطن ومش كله غرق في الماضي
مش كله بدل القاضي.. مش كله بيعرف اللي إله واللي عليه
في منه عليه ومش فاضي.. برنوا عليه في البارتي
في منه بدلّش دارهم.. في منه بخوّن باكبي
في منه بده يفهم داروين.. في منه بكفّر صاحبي
فيا خيال إنت ايش معيارك.. بتتخيلش عأبو اشي بجرالنا عأبو ستايل
..رحنا فيها زمان.. وأظن صعب تحط الحد الآن
أظن صعب تصيغ الرد الآن..
بتصوّر صعب تزت دهان.. على مجموعات كاحتة.. لم تعد باهتة
أنا قَشْعَرَة مش أشْعّرِي بمسائل الصفات
لإني مهجَّر مش مخيَّر بمسألة المصفاة..
مش بليغ... بسيط بروح في المبالغة عبيط
ما اظنش نهزم الحدود الآن .. نازل في البيت تعبيط

وحوطت أراضيك.. ثم صرت أطعميك.. يا خيّال
حاولت أراضيك.. إن ثرت أهديك.. يا خيّال
نوع المحتوى اللي فيه نقطة فيه.. بضل في سحر أنا بختفي
بتقص الفرع بيطلع فرع.. واللي فهم الفرق ما بيكتفي
فمعلش يا أختي المثقفة.. هاد اللحن أنا بثق فيه
كل إشي إله وقت للنطق فيه.. وللعين تشوف الأفق فيه
واللي بصير تفسيره كتير مثير.. والفكرة في بير و غرّزت
الشغلة صار بدها مدير كبير.. قديم وأكثر تمرسًا
الملائكة اللي بتنقل كرّزت.. شو سويتوا فموسيقتي؟
وين سمفونيتي؟ مين حجّب صديقتي؟ مين سيّس طريقتي؟
السؤال اللي دايمًا بفيق فيه.. أظن العربي بيكفيه
يا بنعلا في الموّال أو بنقوم نراضيه.. يا بتعلا في الموّال أو بتقوم تراضينا
يا بتعلا في الموّال.. يا خيّال.. لو صادق الموّال
أنا معاك إزا مش عارف تنام.. أو إزا قررنا نفيق
بجيك فرعي ميوزك من كلِّ فجِّ عميق..
بجيك متفجر من الداخل عالآخر بحاول أكون رقيق
مقشعر بدون فلاتر.. كشرة بدون فلافل.. غزاة بدون قوافل. بعير بدون حوافر.. حشرات بدون طيّار.. حقيبة بدون مسافر..
حشا راتبه بجيبته الشب.. معوش فراطة.. معوش سيارة.. معوش زنار على الميتال ديتيكتور .. عامةً دي نكتة .. عامةً بيعبر
ف.. قلي إيش بده بيضويك؟ ف.. مين اللي بحاول يطفيك؟ ف..
بقولوا جنة الدنيا محتلة بتيجي ذوقة تسليك
وأنا معني أكون ليك وأسليك ولو زاد التشكيك.. رح أضلني أعض الشيك من طرفي
ورح أضلني أغنيك.. فرعي ميوزك
حوّطت أراضيك.. ثم صرت أطعميك.. يا خيّال
حاولت أراضيك.. إن ثرت أهديك.. يا خيّال
ليللي ليللي ليللي ليلي.. ليللي ليللي ليللي ليل..
ليللي ليللي ليللي ليلي.. ليللي ليللي ليللي ليل..

credits

from El Rajol El Khashabi | الرجل الخشبي, released March 21, 2017
الرجل الخشبي ( 2017 )
تأليف و أداء - الفرعي
تنسيق الإنتاج – محمّد خرّوشة
إنتاج الفرعي لصالح - الخلود للإنتاج و التوزيع الفني
مهندس التسجيل - سايمون تروت و جيلز باريت , ستوديو سوب , لندن , المملكة المتحدة
مهندس الإنتاج - ديفيد سكوت , عمّان , الأردن
مهندس الإتقان - روبين شميدت , ألمانيا
التصميم الجرافيكي – سامر صائم الدهر

El Rajol El Khashabi (2017)
Writer & Performer - El Far3i
Production Coordination - Mohammed Khrousheh
Produced by El Far3i For - Immortal Entertainment, Amman Jordan
Recorded By - Simon Trought & Giles Barrett at Soup Studio, London, UK
Mixed by - Dave Scott, The Mix Room, Amman, Jordan
Mastered by - Robin Schmidt, 24-96 Mastering, Germany
Art Work - Samer Saem ElDahr

tags

license

all rights reserved

about

El Far3i | الفرعي Amman, Jordan

Palestinian Jordanian Songwriter, Percussionist and Vocalist founder of Arabic Folk and Acoustic Rap solo act (El Far3i) and Hip-Hop Mc Far3 El Madakhil.
Inspired by the surroundings and the high-speed changes, El far3i shares his thoughts and visions in verses, grooves and melodies from the eastern side of The River Jordan to the outer world and back.
... more

contact / help

Contact El Far3i | الفرعي

Streaming and
Download help

Redeem code